Хаартыска: ааптар тиксэриитэ
Ньурба улууһугар Олоҥхо дьиэтигэр оһуохайы сэҥээрээччилэргэ анаан, аҕа саастаахтар күннэрин чэрчитинэн «Ойдоруулаах оһуохайы оройуттан тутуохха» диэн оһуохай түһүлгэтэ төрүттэннэ.
Тэрээһин туһунан Саха сирин Аар Дархан этээччитэ, Ил Дархан стипендиата, Ньурба улууһун култуураҕа управлениетын салайааччыта Розалия Тихонова сырдатта:
-Ньурба оройуонун хомоҕой тыллаах ытык дьоно дойдубутун көмүскүү сылдьар уолаттарбыт кыайыы көтөллөөх дойдуларыгар төннөллөрүгэр уран тылы оһуордаан, баай сахабыт тылынан Үөһээ үрдүк Айыыларбытыттан көрдөһөн-ааттаһан, этэр тыл эгэлгэтин, үҥэр тыл үгүһүн эттилэр.
Олоҥхо дьиэтэ ис өттө бэйэ күүһүнэн өрөмүөннэнэн, ырааһыран, сырдаан, ыалдьыттары үөрэ-көтө көрүстэ.
Аал уоту оттон, алгыстаах алаадьы астаан, дыргыл сытынан Оһуохай түһүлгэтин төрүттээтибит! Көхпүтүн холбооммут, оһуохайбытын оонньоотубут, эһиэхэйбитин элбэттибит!
Ытык дьоммут мааны куоластарын, ымыылаах ырыаларын, тэтимнээх үҥкүүлэрин көрөн дуоһуйа сынньанныбыт, астынныбыт!
Барыта 50 тахса киһи кэлэн ытык-мааны ыалдьыт буолла. Оһуохайы күүстээх куоластаах Дмитрий Колесов, СӨ үтүөлээх этээччитэ Прокопий Фёдоров, Ньурбатааҕы көһө сылдьар тыйаатыр артыыһа Дмитрий Слепцов, Дьиикимдэтээҕи Норуот айымньытын дьиэтин дириэктэрэ Виолетта Попова, оһуохайы өрө туппут Туйаара Саввинова, саҥа этэн эрэр оҕобут Кэрэ Куо Архан уонна СӨ Аар Дархан этээччитэ Розалия Тихонова таһаардылар. Сынньалаҥҥа ырыаһыттар: СӨ култууратын туйгуннара Розалия Тартакынова, Дора Бурнашева, Чаппандаттан «Эйээрэ» ансаамбыл салайааччыта Саргылана Мартынова, ырыа айааччы Гаврил Монастырев, талааннаах күтүөппүт Адыл Искаков ылбаҕайдык ыллаан аастылар, хоһоонньуттар хоммут уостарын хоҥнордулар. Ил Дархан стипендиата Владимир Иванович Саввинов мустубут дьоҥҥо туһаайан, Сергей Зверев-Кыыл Уола Ньурба пааркатыгар оһуохай таһаарбытын кэпсээтэ, Валентина Давыдовна Федорова ааспыт үйэ хомоҕой тыллаахтарын ахтан санаан ааста.
Маннык тэрээһиннэр Ньурба улууһун Оһуохай түмсүүтүн көҕүлээһининэн ыытыллаллар. Сыл устата былаан ылыллан, тэрээһиннэр бэрт сэргэхтик, көхтөөхтүк ааһаллар.
Түмүкпэр өрөспүүбүлүкэтээҕи Оһуохай түмсүүбүтүгэр биһиги ыытар тэрээһиннэрбитигэр өйөбүл буолалларыгар барҕа махталбытын тиэрдэбит!
Маны таһынан, Олоҥхобут дьиэтигэр сиэр-туом, ыраастаныы, арчыланыы тиһигин быспакка тэриллэр.
Ол курдук, бэҕэһээ байыаннай дьайыы кыттыылаахтарын дьиэ кэргэттэригэр алгыс ыытылынна.
Дмитрий ОКОНЕШНИКОВ-СУЛУСХАН
Дьокуускайга полиция 3 отделын дьуһуурунай чааһыгар эт-хаан эчэйиитин ылбыт Кангаласс олохтооҕо дьахтартан сайабылыанньа киирбит. Ол…
Бүтүн Арассыыйатааҕы байыаннай-тактическай «Путь воина» күрэхтэһии икки полуфиналын түмүгүнэн Саха сирин уонна Тюмень уобалаһын «ВОИН»…
Дьокуускайга 35 саастаах дьахтар үлэлиир тэрилтэтиттэн 2,7 мөлүйүөн солкуобайы уоран, холуобунай дьыала тэрилиннэ. ИДьМ Силиэстийэлиир…
Уһун, тымныы кыһыннаах, тыйыс айылҕалаах хоту дойдуга олорор буоланнар, өбүгэлэрбит барахсаттар күөх сайын уунар уйгутуттан…
Бүгүн, балаҕан ыйын 18 күнүгэр, Үөһээ Бүлүүгэ үлэ сырыытынан Ил Дархан Айсен Николаев уонна СӨ…
Алтынньы 3-5 күннэригэр Дьокуускайга "Сулус" полигоҥҥа Сэбиэскэй Сойуус Дьоруойа Федор Охлопков аатынан "Бойобуой снайпинг" дьиссипилиинэҕэ…