Ньурбаҕа Олох-дьаһах эйгэтин тупсарыы сылын чэрчитинэн ыраастааһын үлэтэ көхтөөтүк барар

Өрөспүүбүлүкэҕэ үтүө дьыаланы оҥорууну көҕүлүүр араас хамсааһын, аахсыйа үгүс. 

Биир итинник бастыҥ холобурунан «Вызов-кузов» буолар. Ньурба улууһун дьаһалтатын пресс-сулууспата иһитиннэрбитинэн, Ньурба улууһугар «Ыраас бөһүөлэк» федеральнай экологическай аахсыйа уонна улууска Олох-дьаһах эйгэтин тупсарыы сылын чэрчитинэн «Вызов-кузов» хамсааһын көдьүүстээхтик үлэлиир.

«Ааспыт нэдиэлэҕэ үп управлениетын үлэһиттэрэ Антоновка Луговой уул. быраҕыллан сыппыт массыына кузовын таһаарбыттара. Бэс ыйын 16 күнүгэр салайааччылар былаанныыр мунньахтарыгар улуустааҕы үп управлениетын салайааччыта Евдокия Филиппова аахсыйа бэлиэтин улуустааҕы Кииннэммит бухгалтерияҕа туттарда. Бу тэрилтэ үлэһиттэрэ көҕүлээһин ыҥырыыны тутаат,   түргэнник хамсанан, Ньурба куорат Степан Васильев уул. 18 №-дээх дьиэтин таһыттан эргэ кузовы ааспыт нэдиэлэҕэ таһаарбыттара. Үтүө дьыаланы култуура дэпэртээмэнэ салҕыыр.  Бу курдук улууспутугар экологияҕа судаарыстыбаннай кэтэбил Ньурбатааҕы кэмитиэтэ көҕүлээбит бу аахсыйатыгар тэрилтэлэр көхтөөхтүк кытталлар. Бүгүҥҥү туругунан сыбаалкаҕа 43 быраҕыллыбыт эргэ массыына кузова таһаарылынна. Инньэ гынан сыыйа Ньурбабыт ырааһырар, санитарнай туруга тупсар«, — диэн суруйар телеграм-ханаалга улуус дьаһалтатын пресс-сулууспата.

Сиһилии  сигэнэн билсиҥ.