Ньурбаҕа оскуола-уһуйаан саҥа дьиэтэ аһылынна

Бэҕэһээ Ньурба улууһугар  Үөдэйгэ 10/25 миэстэлээх оскуола-уһуйаан үөрүүлээх аһыллыыта буолла.

2019 сыл от ыйыгар бастакы сыбаайата түспүтэ. Тутууну «Нюрбаавтодор» ХЭТ саҕалаабыта, 2021 с. «Туйгун-проект» ХЭТ оскуола-уһуйаан эбии бырайыагын оҥорбута. 2022 с. «Масстрой» ХЭТ үлэни сөргүтэн бастакы түһүмэҕин түмүктээбитэ.

— Түмсүүлээх Үөдэй нэһилиэгин олохтоохторо бары саба түһэн, бэрт тупсаҕай оскуола-уһуйааны арыйдыбыт. Үөрүүлээх тэрээһиннэрбитигэр СӨ ситэриилээх былааһын отчуотугар кэлбит салалта толору састаабынан кытынна, — диэн улуус баһылыга Алексей Иннокентьев иһитиннэрдэ.