Ньурбаҕа Сергей Евсеевка мемориальнай дуоска арылынна
Ньурбаҕа Олохтоох салайыныы күнүгэр, муус устар 21 күнүгэр, 2008-2023 сс. улуус Сүбэтин бэрэссэдээтэ, СӨ норуотун хаһаайыстыбатын үтүөлээх үлэһитэ, СӨ муниципальнай сулууспатын туйгуна, Ньурба улууһун бочуоттаах олохтооҕо Сергей Иванович Евсеев мемориальнай дуоската үөрүүлээхтик аһылынна.
«Сергей Иванович олоҕун бүтүннүү төрөөбүт дойдутун, дьонун туһугар анаабыта. Хомсомуолтан саҕалаан араас үлэҕэ ситиһиилээхтик үлэлээн, улуус Сүбэтин бэрэссэдээтэлигэр тиийэ үүммүтэ. Улуус уонна өрөспүүбүлүкэ социальнай-экэнэмиичэскэй сайдыытыгар уонна олохтоох салайыныы сайдыытыгар дьоһун кылаатын киллэрбитэ. Ытыктыыр доҕорбут аатын үйэтитиигэ былааннаах үлэни ыытабыт», — диэн эттэ улуус баһылыга Алексей Иннокентьев.
Улуус Сэбиэтин пресс-сулууспата иһитиннэрэринэн Сергей Иванович кэнники 15 сыл устата Ньурба оройуонун дьокутааттарын Сэбиэтин бэрэссэдээтэлинэн үлэлээбитэ. Кини төрөөбүт Ньурбатыгар өҥөлөрүн туһунан оройуон салайааччылара үтүө тылларынан ахтан-санаан аастылар. Улуус Сэбиэтин бэрэссэдээтэлэ Нюргуяна Михайлова уһуйааччы аатын үйэтитиигэ анал хамыыһыйа ыыппыт үлэтин үрдүктүк бэлиэтээтэ.
Ону сэргэ тэрээһиҥҥэ Сергей Иванович кэргэнэ, сиэнэ Сергей Иванович кытыннылар. Аймхтарын аатыттан оройуон салалтатыгар, биир идэлээхтэригэр махталларын биллэрдилэр. Үөрүүлээх миитиҥҥэ муниципальнай сулууспалаахтар, бэтэрээннэр уонна уопсастыбаннас кыттыылаах кыттыылаах миитин үрдүк тэрээһиннээхтик буолан ааста.
Сообщить об опечатке
Текст, который будет отправлен нашим редакторам: