Ньурбатааҕы К.Д.Уткин аатынан «Доҕордоһуу» түмэлигэр дьоһун тэрээһин буолла.
Ол курдук, Ньурба оройуона (Марха улууһа) төрүттэммитэ 200 сылыгар аналлаах Сүлэ нэһилиэгин дириҥ ис хоһоонноох устуоруйатын көрдөрөр түмэлгэ быыстапка арылынна. Бу туһунан Ньурба култууратын пресс-сулууспата иһитиннэрэр.
Сүлэ нэһилиэгин үтүө-мааны дьонун үлэтин-хамнаһын кэпсиир истиэндэлэр, олорон ааспыт мындыр, хорсун, ааттаах-суоллаах дьон олохторун көрдөрөр эспэнээттэр, талба талааннаахтар уус-уран оҥоһуктара, нэһилиэк олохтоохторун ситиһиилэрэ көрдөрүллэллэр.
Экспозицияҕа сэдэх хаартыскалар, маастардар айар үлэлэрэ, ураты докумуоннар уонна умсугутуулаах историческай чахчылар Сүлэ нэһилиэгин кытта дириҥник билсэргэ көмөлөһөр.
Быыстапка үөрүүлээх аһыллыытыгар Ньурба оройуонун баһылыгын бастакы солбуйааччы Василий Семенов, «Сүлэ нэһилиэгэ» муниципальнай тэриллии баһылыга Дмитрий Иванов, түмэл тутаах үлэһитэ Людмила Никитина, култуура департаменын кылаабынай исписэлииһэ Дора Бурнашева, ону сэргэ үөрэх уонна култуура эйгэтин бэрэстэбиитэллэрэ уонна Сүлэ оскуолатын үөрэнээччилэрэ сырыттылар.
Быыстапка 10 күн устата үлэлиэ.
Соторутааҕыта Мэҥэ Хаҥалас улууһугар Төҥүлү нэһилиэгэр “Нөмүгү“ сайылыгар уонтан тахса сыл олохсуйан олорор Николай Баишев-Бойцов…
Быйыл Ньурбатааҕы судаарыстыбаннай көһө сылдьар драматическай тыйаатыр бастакы дириэктэрэ, Саха АССР үтүөлээх артыыһа Александр Алексеевич…
Өймөкөөн улууһугар уһун кэмнээх ардахтартан сорох нэһилиэнньэлээх пууннар ууга барбыттарынан сибээстээн, балаҕан ыйын саҥатыгар Өймөкөөн,…
Бүгүн, балаҕан ыйын 19 күнүгэр, Ил Дархан Айсен Николаев Орто Халыма куоратыгар үлэлээтэ. “Орто Халыма…
Синоптиктар бэлиэтииллэринэн, балаҕан ыйын 20 күнүгэр киин улуустарга -3...-8 кыраадыска диэри тымныйыан сөп. Дьокуускайга түүн …
Дьокуускай куоракка уулуссалар ааттарын, дьиэлэр нүөмэрдэрин бэрэдээктээһин ыытыллар буолбута көстөр. Ол курдук, соторутааҕыта Ленин проспегар…