Ньурбаҕа сүппүт аҕам саастаах киһини быыһаатылар

Бэҕэһээ, ыам ыйын 15 күнүгэр, күнүс 15.06 чаас саҕана Киров сэлиэнньэҕэ эр киһи сүппүтүн туһунан тыллаабыттар.

1963 с.т. аҕам саастаах киһи деменциянан ыалдьар эбит. Дьиэтиттэн 12.30 чаас саҕана тахсыбыт уонна төннүбэтэх. Эр киһини көрдүүргэ Ньурба көрдүүр-быыһыыр этэрээтэ тахсыбыт. Киэһэ 18.45 чааска сүппүт эр киһини быраҕыллыбыт дьиэ иһигэр булбуттар. «Эр киһи туруга үчүгэй», — диэн Саха сиринээҕи Быыһыыр сулууспатын пресс-сулууспата суруйар.