Ньурбаҕа сүппүт киһи өлүгэ быраҕыллыбыт гарааска көһүннэ

От ыйын 29  күнүгэр Ньурбатааҕы кырдьаҕастар интэринээт-дьиэлэриттэн 65 саастаах эр киһи тахсан барбыта уонна сүтэн хаалбыта. Бүгүн, атырдьах ыйын 1 күнүгэр, сарсыарда оройуон биир кэлим диспетчерскэй сулууспатыгар сибээскэ тахсан, 65 саастаах аҕам саастаах киһи өлүгэ көстүбүтүн туһунан иһитиннэрбиттэр. 

Кырдьаҕас киһи өлүгүн ааһан иһэр киһи эргэ быраҕыллыбыт гараастан булбут.

Бэлиэтээн суруйдахха, билигин Саха сирин үрдүнэн 61 саастаах Борис Бессоновы уонна 89 саастаах Сунтаар  олохтооҕо Василий Егоровы көрдүүллэр.