Хаартыска: СИА
Ньурба улууһугар быйыл СӨ Быыһыыр сулууспатын водолазтарын этэрээттэрин филиала аһыллыаҕа.
Бу туһунан «Актуальное интервью» биэриигэ биэдэмистибэ начаалынньыгын бастакы солбуйааччы Василий Тарскай иһитиннэрдэ.
«Водолазтар этэрээттэрин филиалын быйыл аһыахпыт. Саҥа сулууспа Бүлүү бөлөх оройуоннарын водолазтар сулууспатынан хааччыйыаҕа», — диэн Василий Тарскай бэлиэтээтэ. Кини иһитиннэриитинэн, СӨ Быыһыыр сулууспата былааннаахтык сайдар. Ол курдук, кэнники сылларга Ил Дархан Айсен Николаев уонна Бырабыыталыстыба өйөбүллэринэн улуустарга өссө 6 филиал тэриллибит, оттон быыһааччылар ахсаана 71 киһинэн улааппыт. Ону сэргэ сулууспа күүстээх тэхиниичэскэй сайыннарыыта ыытылынна. Билигин Саха сирин оройуоннарынан биэдэмистибэ 10 филиаллара арыллан үлэлииллэр.
«Былырыын Ил Дархан уурааҕынан эрэгийиэн аварийнай-быыһыыр сулууспатын 2030 сылга диэри сайыннарыы кэнсиэпсийэтэ ылыллыбыта. Бу докумуон чэрчитинэн биһиги хотугу оройуоннарга өссө 5 филиалы аһыахтаахпыт», — диэн Василий Тарскай кэпсээтэ.
Саха сирин Быыһыыр сулууспата Гражданскай оборуона дьыалаларыгар уонна нэһилиэнньэ олоҕун- дьаһаҕын куттала суох буолуутун хааччыйыыга министиэристибэтин тутулуга суох тэрилтэтинэн буолар. Биэдэмистибэ сүрүн соруга — дьону быыһааһын. Кыһыҥҥы кэмҥэ алтынньы ыйтан өрөспүүбүлүкэ быыһааччылара тайҕаҕа булчуттар, балыксыттар сүппүттэрин көрдүүллэр, суол-иис алдьаныытыгар федеральнай, өрөспүүбүлүкэтээҕи, муниципальнай суолларга суол-тырааныспар быһылааныгар тахсаллар. Маны таһынан кинилэр өрөспүүбүлүкэтээҕи тэрээһиннэргэ уонна туристарга куттала суох буолууну хааччыйаллар. Кыһыҥҥы кэмҥэ быһылаан сүнньүнэн тырааныспар алдьаныытын уонна дьон олоҕор, доруобуйатыгар кутталы үөскэтэринэн кытта сибээстээх. Василий Тарскай бэлиэтээбитинэн, ааспыт сыл алтынньы ыйыттан Саха сирин Быыһааччылара 43 быһылаан миэстэтигэр тахсыбыттар уонна 15 киһини быыһаабыттар.
Ахсынньы 13-15 күннэригэр Москва куоракка «Твой Ход – 2025» Бүтүн Арассыыйатааҕы устудьуоннар пуорумнара ыытылларынан, «Сыл…
Дьокуускайга административнай дьиэҕэ тахсыбыт киһи өлүүлээх баһаар холуобунай дьыалатыгар бириигэбэри таһаардылар. Бу туһунан ахсынньы 16…
Бүгүн, ахсынньы 16 күнүгэр, Дьокуускайга Российскай Федерация бочуоттаах полярнигын Николай Находкин «Санников сиригэр эспэдииссийэ» диэн…
Өрөспүүбүлүкэ агробырамыысыланнай комплексын 2025 сыллааҕы үлэтин түмүктүүр мунньаҕар бастыҥ муниципальнай оройуоннар бэлиэтэннилэр. Бу туһунан СӨ…
Тымныыттан эчэйии үксэ арыгы иһииттэн тахсар диэн Өрөспүүбүлүкэтээҕи 2 №-дээх балыыһатын - Суһал мэдиссиинэ көмөтүн…
Тэрээһиннэргэ байыаннай дьайыы бэтэрээннэрэ уонна кыргыһыы хонуутугар охтубут дьон дьиэ кэргэттэрин чилиэннэрэ, барыта 28 тыһыынчаттан…