Ньурбаҕа үлэ кэмигэр арыгыны иһии киһини өлөрүүнэн түмүктэммит

Ньурба оройуонун суутунан 57 саастаах эр киһи киһини өлөрүүгэ буруйданна.

Бу кыһын Ньурба куорат биир хочуолунайыгар күн устата икки доҕоттор аһыы утаҕы испиттэр. Киэһэлик эр дьон икки ардыларыгар айдаан тахсыбыт, онуоха буруйдаах куукуна быһаҕынан доҕорун түөһүн уҥа өттүгэр анньыбыт. Ылбыт бааһырыыттан эмсэҕэлээччи миэстэтигэр өлбүт.

Суут мунньаҕар буруйдаах буруйун билиммит. Ньурба оройуонун суута эр киһини буруйдааҕынан билиннэ уонна 7 сыл кытаанах эрэсиимнээх көннөрөр буруйу боруостуур холуонньаҕа хаайарга уураахтаата. Бириигэбэр сокуоннай күүһүгэр киирэ илик, диэн СӨ суудуналарын холбоһуктаах пресс- сулууспата суруйар.