Ньурбаҕа эр киһи аймаҕын төбөҕө саайталаан өлөрбүт

Ньурбаҕа атырдьах ыйын 5 күнүгэр аймаҕын өлөрбүт киһиэхэ холуобунай дьыаланы тэрийдилэр. Бу туһунан СӨ Силиэстийэлиир кэмитиэтэ иһитиннэрэр.

Силиэстийэ быһаарбытынан, быһылаан атырдьах ыйын 5 күнүн киэһэтигэр Сэбиэскэй уулуссаҕа буолбут. Уорбаланааччы итирэн баран аймаҕын төбөҕө саайталаабыт уонна тэбиэлээбит. Ол киһи эчэйиилэриттэн миэстэтигэр тыына быстыбыт.

Эр киһини туппуттар. Быһылаан тула силиэстийэ барар.