Хаартыска: Алексей Иннокентьев ТГ-ханаала.
Бэс ыйын 6 күнүгэр Ньурба улууһун дьаһалтатын салалтата Саха сирин норуоттарын IX Спортивнай оонньууларыгар бэлэмнэнии чэрчитинэн Түмүк нэһилиэгэр сылдьан, актыыбы кытта көрүстүлэр.
«Тыа хаһаайыстыбатыгар сүбэһитим, СӨ Норуоттарын IX Спортивнай оонньууларын дириэксийэтин бэрэссэдээтэлэ Артур Яковлев, улуустааҕы тыа хаһаайыстыбатын дэпэртээмэнин салайааччыта Леонид Ушканов, ИСУ салайааччытын солбуйааччыта Надежда Матвеева өрөспүүбүлүкэ, оройуон олоҕун-дьаһаҕын, үлэтин туһунан билиһиннэрдибит. Тыа хаһаайыстыбатыгар үүт соҕотуопкатын үлэтин, ынах төбөтүгэр көрүллэр субсидия кэлиитин, окко бэлэмнэнии, тупсаран оҥоруу, эргэ быраҕыллыбыт дьиэлэри көтүрэн нэһилиэк көстүүтүн тупсарыы, уопсастыбаннас үлэтин кэпсэттибит. Байыаннай дьайыынан сибээстээн, өрөспүүбүлүкэттэн суол, муоста тутуллуутугар харчы көрүллүбэтэ. Ол эрээри, судаарыстыба бары социальнай эбэһэтээлистибэлэрин кэмигэр толорор.
Оройуоҥҥа СӨ норуоттарын IX Спортивнай оонньууларыгар бэлэмнэнии үлэтэ ыытылла турар. Ньурбаҕа уонна күрэхтэһиилэр буолар чугастааҕы нэһилиэктэргэ кэккэ эбийиэктэр тутуулара барар. СӨ Норуоттарын IX Спортивнай оонньууларынан сибээстээн, нэһилиэктэргэ ыраастаныы, хомунуу уонна саҥардан оҥоруу үлэтэ күүскэ барыахтаах», — диэн ТГ-ханаалга улуус баһылыга А.Иннокентьев суруйар.
Бүгүн, ахсынньы 17 күнүгэр, өрөспүүбүлүкэ хоту, илин, соҕуруулуу-арҕаа өттүгэр кыралаан хаардыаҕа. Киин, арҕаа улуустарга туманнаах,…
Бүгүн, ахсынньы 17 күнүгэр, Дьокуускайга 1–5-с кылаас үөрэнээччилэригэр актированнай күн биллэрилиннэ. Бу туһунан киин куорат…
Ахсынньы 13-15 күннэригэр Москва куоракка «Твой Ход – 2025» Бүтүн Арассыыйатааҕы устудьуоннар пуорумнара ыытылларынан, «Сыл…
Дьокуускайга административнай дьиэҕэ тахсыбыт киһи өлүүлээх баһаар холуобунай дьыалатыгар бириигэбэри таһаардылар. Бу туһунан ахсынньы 16…
Бүгүн, ахсынньы 16 күнүгэр, Дьокуускайга Российскай Федерация бочуоттаах полярнигын Николай Находкин «Санников сиригэр эспэдииссийэ» диэн…
Өрөспүүбүлүкэ агробырамыысыланнай комплексын 2025 сыллааҕы үлэтин түмүктүүр мунньаҕар бастыҥ муниципальнай оройуоннар бэлиэтэннилэр. Бу туһунан СӨ…