Ньурба улууһугар олунньу 21-25 күннэригэр волейболга дьахталлар хамаандаларыгар өрөспүүбүлүкэҕэ бастыыр иһин күрэхтэһии түмүктэннэ. Бу туһунан ФКуоМС управление пресс-сулууспата иһитиннэрэр.
Күрэхтэһиигэ муниципальнай оройуоттар уонна «Жатай» куорат уокуругун волейболга дьахталлар хамаандалара кыттыннылар. Манна бастакы Лигаҕа чөмпүйэнээт кэмигэр сүүмэрдэммит хамаандалар кыттыбаттылар.
Волейболга киирсиилэр Ньурба куоратыгар (Г.А. Быдыгыев аатынан «Олимп» успорт уораҕайыгар), Антоновкаҕа (А.И. Пахомов аатынан успуорт саалата), Күндээдэҕэ (оскуола успуорт саалата) уонна Чаппандаҕа (С.П. Алексеев-Боhуут аатынан оскуола спорт саалата) буоллулар. Барыта 8 хамаанда 3 күн устата киирсэн, уопсай түмүк маннык буолла:
1 миэстэ — Ньурба хамаандата;
2 миэстэ — Амма хамаандата;
3 миэстэ — Өлүөхүмэ хамаандата;
4 миэстэ — Орто-Халыма хамаандата;
5 миэстэ- Үөһээ-Бүлүү хамаандата;
6 миэстэ — Бүлүү хамаандата;
7 миэстэ — Сунтаар хамаандата;
8 миэстэ — Ленскэй хамаандата.
Күрэхтэһии түмүгүнэн эһиил Саха Өрөспүүбүлүкэтин чөмпүйэнээтигэр I лигаҕа Ньурба уонна Амма хамаандалара оонньуохтара.
Номинациялар кыайыылаахтара:
«Кэскиллээх оонньооччу» — Петрова Вера (Өлүөхүмэ);
«Туһалаах оонньооччу» — Третьякова Аина (Орто Халыма);
«Бастыҥ көмүскээччи» — Павлова Анжелика (Амма);
«Бастыҥ сибээстэһит» — Владимирова Надежда (Ньурба);
«Бастыҥ саба түһээччи» — улахан Вероника (Өлүөхүмэ);
«Бастыҥ оонньооччу» — Станицкая Ирина (Ньурба).
ФКуоМС управление пресс-сулууспатын хаартыскалара уонна видеоҕа устуута.
Самаан сайыны көрсө дьон үксэ, сааһыттан тутулуга суох тупсуон, чэгиэнник, кэрэтик көстүөн баҕарар. Уойбут киһи…
Бүгүн, ыам ыйын 18 күнүн түүнүгэр, халаан уутуттан эмсэҕэлиир нэһилиэктэргэ уу киирэн, тиэргэннэри ылан, Нам…
Кутурук иилиммит, сирэйигэр куоска мааскалаах эрдэҕэс саастаах кыыс оҕо оонньуур былаһааккатыгар түөрт атах буолан сылдьарын…
Бэҕэһээ, ыам 17 күнүгэр, Амма улууһугар быйыл ыытыллар Олоҥхо ыһыаҕын тэрийэр кэмитиэт көһө сылдьар сүбэ-мунньаҕа…
Дьылбыт быйыл эрдэлээн иһэр буолан, сайылыктаахтар көһүүлэриттэн саҕалаан, тыа сиригэр үлэ тэтимэ биир кэм оргуйан…
Саас харалдьык саҕана тымныыны, хаары-ардаҕы билиммэккэ нуоҕайа үүнэр кэрэчээн ньургуһун сибэккини хоту сир дьоно олоххо…