ВИДЕО: Ньурба Маалыкайыгар дохсун ардах түстэ

Бу чааска Ньурба улууһун Маалыкайыгар дохсун ардах түһэн ааста.

Бу туһунан Маалыкайдааҕы орто оскуола саха тылын литературатын учуутала Прасковья Яковлева кэпсиир:

— Интэриниэккэ көрөн баран, соһуйбуппут аҕай, итэҕэйбэтэхпит. Онно «ардах түһэр» диэн баар этэ. Бу сарсыарда кыралаан ардах таммалаан барбытыгар да, улахаҥҥа уурбатахпыт. Онтон бу чааска дохсун ардах курулаччы түһэ турар. Тымныйан испитэ. Ол эрээри, хаар олох түһэ илик. Онон айылҕа бу көстүүтүттэн бэйэбит да соһуйан олоробут.

Аны дохсун ардах кэнниттэн мэлдьэһэн кэбиспиттии, кустук араас өҥүнэн оонньоото.

Хаартыска: Елена Андреева түһэриитэ.