Хаартыска: Ньурбатааҕы киин балыыһа
Ньурбатааҕы киин балыыһа салалтата хирургия отделениетыгар дьон массаабайдык өлбүттэрин туһунан сымыйа сурах тарҕаммытынан итэҕэйбэккитигэр ыҥырда.
Куйаар ситимигэр күүскэ тарҕаммыт иһитиннэриигэ суруллубутунан, бу сыл тохсунньуга омук гражданнара ыыппыт эпэрээссийэлэрин кэнниттэн түөрт ыарыһах суорума суолламмыт. Ол эрээри, Ньурбатааҕы киин балыыһа дааннайынан, билигин хирург-быраас буолар омук гражданнара суох. Ону таһынан хирургия отделениетыгар официальнайдык икки киһи өлүүтэ регистрацияламмыт, ол гынан баран сүрүн төрүөтэ хроническай ыарыылары кытта сибээстээх.
Киин балыыһа киһи өлүүтүн түбэлтэлэрэ барыта биэдэмистибэ хамыыһыйаларын иһигэр көрүллэрин, ону тэҥэ СӨ Доруобуйа харыстабылын министиэристибэтин ис хонтуруоллуур отделын эспэртииһэтин ааһалларын санатар. Итинэн сибээстээн, киин балыыһа олохтоохтору сымыйа сибидиэнньэлэри тарҕаппаккытыгар уонна официальнай эрэ иһитиннэриилэргэ итэҕэйэргитигэр ыҥырар. Сымыйа информацияны тарҕатыы иһин административнай уонна холуобунай эппиэтинэс көрүллэр. Бу туһунан Ньурбатааҕы киин балыыһатын пресс-сулууспата ТГ-ханаалыгар иһитиннэрдэ.
Бүгүн, ыам ыйын 9 күнүгэр, Дьокуускайга сылын аайы ыытыллар Кыайыы Оһуокайа үрдүк таһымнаахтык буолла. Быйыл…
Саха сиригэр Мэҥэ Хаҥаласка уонна Өлүөхүмэ оройуоннарыгар сүппүт эр дьону көрдүүллэр. Ааспыт сууккаҕа атын оройуоннарга…
Арассыыйа Дьоруойа Андрей Григорьев Москваҕа Кыайыы параадыгар кытынна. Кини ыҥырыылаах ыалдьыт быһыытынан олорорун "Бастакы" ханаалга…
Ыам ыйын 5 күнүгэр, Пушкин аатынан киин библитиэкэҕэ Үөһээ Бүлүү Балаҕаннааҕыттан төрүттээх, билигин Нам Түбэтигэр…
Таатта улууһун киинигэр Улуу Кыайыы 80 сыллаах үбүлүөйүн көрсө "Кыайыы көтөллөөх буойун учууталлар көмүс уруоктара"…
edersaas.ru саайт 2020 сыллаах архыыбыттан. Кыайыы 75 сылынан эһээм кэпсээниттэн тугу өйдөөн хаалбыппын суруйарга быһаарынным.…