Ньургуйаана Стручкова – сыл бастыҥ медиаменеджерэ

«Сахабэчээт» тэрилтэ салайааччыта Ньургуйаана Стручкова Арассыыйа суруналыыстарын “Көмүс бөрүө” бириэмийэтин «Сыл медиаменеджерэ» номинацияҕа бэлиэтэннэ.  

Наҕараадалааһын Москваҕа кулун тутар 27 күнүгэр буолла. Тэрээһиҥҥэ 78 суруналыыс араас номинацияларга наҕараадаланна. Дьүүллүүр сүбэ Ньургуйаана Стручкова тэрилтэтин салайар, сыыппара технологиялары олоххо киллэрэр уонна матырыйаал ис хоһоонун хаачыстыбатын үрдүк таһымын тутуһууга сыһыанын бэлиэтээтэ.

Ньургуйаана Стручкова 2020 сылтан «Сахабэчээт» тэрилтэни салайар. Биэс сыл иһигэр 34 улууһу түмэн, улахан мандиахолдинг оҥордо. «Көмүс бөрүө» бириэмийэ Арассыыйа медиа-эйгэтигэр биир саамай бочуоттаах бириэмийэнэн буолар. Саха сиригэр бэчээт салаатыгар  салайар номинацияҕа бу бастакы бириэмийэ. Ньургуйаана Стручкованы ситиһиитинэн биир идэлээхтэрэ, бэчээт эйгэтин үлэһиттэрэ, алтыһар дьыалабыай дьоно  истиҥник эҕэрдэлииллэр.