“Ньургун Боотур” олоҥхо операны тыа сирин олохтоохторо көрүөхтэрэ

Андрей Борисов туруорбут “Ньургун Боотур” олоҥхо оператын “Экстра Синема” киинэ ситимин саалаларыгар көрдөрүөхтэрэ.  Бу туруорууну “телеспактакль” форматыгар устан, тыа сирин олохтоохторугар көрдөрөр бырайыак олоххо киирдэ.

Телеспектакль бастакы көрөөччүлэринэн Горнай улууһун Одуну нэһилиэк олохтоохторо буолуохтара – сеанс бүгүн, алтынньы 12 күнүгэр анаммыт. Алтынньы 18 күнүгэр Тулагы-Киллэм олохтоохторо көрүөхтэрэ, алтынньы 23 күнүгэр Хаҥалас улууһун 1-кы Маалдьҕарыгар көстүөҕэ, онтон “телеспектакль” Нам Хатыҥ Арыытыгар көстүөҕэ. Бастакы сеанстары көрдөрүү кэмигэр операҕа сүрүн оруолу толорбут артыыстар тиийэн көрөөччүлэри кытта алтыһыахтара.

Санатан эттэххэ, “Экстра Синема” киинэ саалалар ситимнэрэ билигин 27 нэһилиэккэ киинэ тыйаатырдары үлэлэтэр, бу саалаларга Саха сиригэр уһуллубут киинэлэр Дьокуускайы кытта биир күн премьералыыллар. Кэлэр кэмҥэ саала ахсаана элбээн иһиэҕэ.