Ньургун Гуляев: «Өрөспүүбүлүкэбит маҕаһыыннарын долбуурдарыгар бэйэ бородууксуйата элбииригэр үлэлэһиэхтээхпит»

Ил Дархан Айсен Николаев Анал этиитигэр үүнэр 2023 сылы  Үлэ сылынан биллэрдэ. Үлэһит киһи таһымын үрдэтии туһунан этиитигэр  “Эрэл” ТХПК толорооччу дириэктэрэ Ньургун Феофанович Гуляев тыа сирин дьонун-сэргэтин биир соругу туруорунан үлэ тула үмүөрүһэргэ ыҥырда:

— Ил Дархан тыа хаһаайыстыбатыгар оҥорон таһаарыы бородууксуйатын элбэтиигэ болҕомтотун уурда. Онон тыа сирин дьоно-сэргэтэ түмсэн, өрөспүүбүлүкэбит маҕаһыыннарын долбуурдарыгар бэйэ бородууксуйата элбииригэр үлэлэһиэхтээхпит.  Тыа хаһаайыстыбатыгар көрүллэр үбү улаатыннарбыттара үчүгэй. Бу үп-харчы тыа сиригэр барыаҕа, онон тыа хаһаайыстыбата сайдарыгар усулуобуйаны тэрийиэхтээхпит, — диэн санаатын үллэһиннэ.

Хаартыска СИА  архыыбыттан.