Нуучча тыйаатырыгар Аҕа дойдуну көмүскээччилэргэ анаммыт суолталаах тэрээһин буолла

Бүгүн, олунньу 21 күнүгэр, А.С. Пушкин аатынан Нуучча академическай драматическай тыйаатырыгар Аҕа дойдуну көмүскээччи күнүгэр анаммыт үөрүүлээх мунньах буолла.

Суолталаах тэрээһиҥҥэ СӨ Бырабыыталыстыбатын Бэрэссэдээтэлин солбуйааччы Ольга Балабкина кыттыыны ылла.

Ольга Валерьевна мустубут дьону Аҕа дойдуну көмүскээччилэр күнүнэн эҕэрдэлээтэ.  Салайааччы Аҕа дойду Улуу сэриитин ыар сылларыгар дойдубут бөҕө тирэхтээх буоларын туһугар аҕа көлүөнэ дьоммут хорсун быһыылара төһүү күүс буолбутун умнубаппытын, кинилэр албан ааттарын кэриэстиирбитин, чиэстээхтик тутарбытын, билигин байыаннай дьайыыга сылдьар байыастарбыт кыайыы көтөллөөх дойдуларыгар эргиллэн кэлэллэригэр эрэнэ күүтэрбитин бэлиэтээтэ. Ольга Балабкина байыаннай дьайыыга хорсун быһыыны оҥорбут кэккэ буойуҥҥа «За отвагу» мэтээли туттарда. Маны таһынан, байыаннай дьайыы кыттыылаахтарыгар уонна кинилэр дьиэ кэргэттэригэр өрүү өйөбүл буолар тэрилтэлэр салайааччыларыгар, ыччаты патриотическай иитиигэ үлэлэһэр дьоҥҥо Махтал суруктары, кырааматалары туттарда.

Бу чааска Нуучча тыйаатырыгар АЛСИБка анаммыт «Запасной аэродром» диэн испэктээк саҕаланна. Манна тыыл бэтэрээннэрэ, уопсастыбанньыктар, оскуола оҕолоро ыҥырыллан кэллилэр. Эдэр армеецтары салайан илдьэ кэлбит Александр Кузьмин санаатын маннык үллэһиннэ: