Нуучча тылын билбэт эрээри, сымыйа сэртипикээттэри ылбыттар

Өрөспүүбүлүкэ борокуратуурата тас дойдулар гражданнарыгар нуучча тылын, Арассыыйа историятын уонна РФ сокуонун төрүттэрин билэллэрин туоһулуур сэртипикээти биэрии төһө сокуоннайын бэрэбиэркэлээтэ.

Бу туһунан СӨ Борокуратуурата иһитиннэрэр.

Атын судаарыстыба икки дьахтара, нууччалыы билбэт эрээрилэр, бэрэбиэркэни ситиһиилээхтик туттаран, сымыйанан сэртипикээт ылбыттара быһаарылынна.

Манан сибээстээн борокуратуура бу сэртипикээттэр дьиҥэ суохтарын билинэргэ уонна ону биэрии туһунан Регистрационнай кинигэҕэ суруллубуту суох оҥорорго суукка ирдэбили киллэрбит.

Ирдэбиллэр суут көрүүтүгэр уонна борокуратуура хонтуруолугар ылылыннылар.