Хаартыска: minobrnauki.sakha.gov.ru
— РФ бэрэсидьиэнэ Владимир Путин Федеральнай Мунньахха этиитигэр элбэх үтүө сонуннары, чугастааҕы сыллар былааннарын иһиттибит.
Биллэрин курдук, 2024 сыл Арассыыйаҕа — Дьиэ кэргэн, өрөспүүбүлүкэҕэ — Оҕо саас сылынан биллэриллибитэ. Бэрэсидьиэн «Дьиэ кэргэн», “Арассыыйа ыччата” уонна “Каадыр” саҥа национальнай бырайыактары биллэрдэ. Тустаах бырайыактар олоххо киириилэрэ олох хаачыстыбата үрдээһинигэр көмөлөһүөҕэ.
Эһиилгиттэн уһуйааннар, оскуолалар, кэллиэстэр, успуорт эбийиэктэрин, устудьуоннар куораттарын уонна үрдүк үөрэх уопсайдарын хапытаалынай өрөмүөннэрин уонна тутууларын бырагыраамата саҕаланыаҕа.
Бэрэсидьиэн 2024 сыл балаҕан ыйын 1 күнүттэн оскуолалар уонна кэллиэстэр иитии чааһыгар дириэктэрдэр сүбэһиттэригэр 5 тыһ. солк. эбии төлөбүрү, онтон кулун тутар 1 күнүттэн кылаас салайааччыларыгар уонна тиэхиньикумнар бөлөхтөрүн куратордарыгар 10 тыһ. солк. диэри федеральнай төлөбүрү уонна университеттарга фундаментальнай биридимиэттэр преподавателлэригэр хамнас төлөбүрүн таһымын үрдэтэргэ этии киллэрдэ.
Владимир Путин үрдүк үөрэххэ ылыы хампаанньата түмүктэниэр диэри, оскуоланы бүтэрээччилэр биир биридимиэккэ биир кэлим эксээмэни хаттаан туттаралларыгар кыах биэрэргэ этиитин бэлиэтиир оруннаах. Оскуола бырагыраамата уонна эксээмэн ыйытыылара уратылаһыыларыгар быһаарсары ирдээтэ.
Бэрэсидьиэн Федеральнай Мунньахха туһаайыыта дойду олоҕор суолталаах түгэн, кини этиитин уопсастыба улаханнык сэҥээрэр, ырытар. Салгыы инники турар соруктарын олоххо киллэрии уонна туруоруллубут соруктары ситиһии кэмэ кэллэ.
Гражданскай оборуона дьыалаларыгар уонна нэһилиэнньэ олоҕор куттала суох буолуутун хааччыйыы миниистирин собуйааччы Яна Наумова киэһээҥҥи…
Күннээҕи олоҕу кытта тэҥҥэ хардыылыыр дьон түөкүттэр бааллар эбит. Аны оскуоланы бүтэрээри сылдьар оҕолорго үрдүк…
Ырыа күнүгэр аналлаах кэнсиэртэр оптуорунньукка, ыам ыйын 21 күнүгэр, Саха сирин бары куораттарыгар уонна сэлиэнньэлэригэр…
СӨ Ил Дархана Айсен Николаев Нам улууһугар оробуочай сырыытын чэрчитинэн, Хатырык олохтоохторун кытары көрсүһүү тэрийэн…
Өлүөхүмэ, Нам улуустарыгар халаан уутун содулун көрөн, киһи долгуйар, хараастар. Онон дьон-сэргэ уталыппакка эмсэҕэлээбиттэргэ бэйэтин…
Бу туһунан Саха сирин бырабыыталыстыбатын Бэрэссэдээтэлин солбуйааччы Анатолий Семенов иһитиннэрдэ. Нам улууһугар халаан уутуттан үөрэх…