Хаартыска: sakha.gov.ru
Конституционнай сокуон бырайыагынан СӨ Конституциятын 22-с ыстатыйатыгар, билигин баар мэктиэлэри суох гыммакка, үөрэхтээһин биир кэлим эйгэтин уонна Арассыыйа бары гражданнарыгар аналлаах мэктиэлэри хааччыйар инниттэн уларытыылар киллэриллэллэр. Бу туһунан өрөспүүбүлүкэ Үөрэҕин уонна билимин миниистирэ Нюргуна Соколова «Актуальное интервью» быһа эпиирин кэмигэр кэпсээтэ.
Миниистир бэлиэтээбитинэн, гражданиннар үөрэхтээһиҥҥэ бары бырааптара толору кээмэйинэн уларыытыыта суох, оннунан хаалаллар.
«Өрөспүүбүлүкэ Конституцията ылыллыбыт күнүттэн, үөрэхтээһиҥҥэ мэктиэни биэрэр 22-с ыстатыйа хас да төгүл уларыйбыта. Билигин үлэлиир эрэдээксийэтигэр 4 пууннаах. 2016 сыллаахха уларытыы киллэриллибит төрдүс пуунун эрэгийиэн национальнай, этнокултуурунай уонна атын уратыларын учуоттаан, судаарыстыбаннай үөрэх ыстандартааттарын мэктиэлиир. Бу пуун уларыйбакка хаалар. Конституционнай сокуон бырайыагынан дойду Конституциятыгар уонна федеральнай сокуоҥҥа сөп түбэһиннэрэр инниттэн, 1-3 пууннар балаһыанньаларын чуолкайдыырга этиллэр. 2012 сыллаахха РФ үөрэхтээһин туһунан федеральнай сокуон уларыйбыта. Ону батыһан өрөспүүбүлүкэтээҕи сокуоҥҥа эмиэ уларытыылар киирбиттэрэ, үөрэх таһымнарын бэрээдэктээһин барбыта. Холобур, өскөтүн урут сокуоҥҥа началынай профессиональнай үөрэх туһунан суруллубут буоллаҕына, билигин начаалынай профессиональнай үөрэх диэн таһым суох, ол оннугар орто профессиональнай үөрэх иһигэр ОПУ (орто профессиональнай үөрэх) идэ быһыытынан баар», – диэн миниистир быһаарда. Нюргуна Соколова РФ Конституциятынан барыларыгар тиийимтиэ уонна босхо буолара мэктиэлэммит үөрэх таһымнарын испииһэгэ чуолкайданарын бэлиэтээтэ: оскуола иннинээҕи, сүрүн уопсай уонна орто профессиональнай үөрэх. Куонкурус түмүгүнэн босхо үрдүк үөрэҕи ылар быраап эмиэ оннунан хаалар. Сүрүн уопсай үөрэх булгуччулааҕынан быһаарыллар.
Сотору тыс этэрбэспитин уһулан уурар кэммит кэлиэҕэ. Төһө да тыа сиригэр олордорбун, этэрбэһи харайыыны билбэт…
— Дьиэни-уоту бэлэх курдук ыллахпына, дохуот төлөтөллөр дииллэр. Кырдьык дуо? Ыйытыыга Арассыыйа Нолуокка ФС Саха…
Элбэх кыбартыыралаах дьиэлэргэ тапсан олоруу быраабылаларын, сиэри-майгыны төһө билэбитий, тутуһабытый? Бу өрөспүүбүлүкэбит үгүс олохтоохторугар сыһыаннаах…
Ахсынньы-тохсунньу тоһуттар томороон тымныылара бүтэн, халлаан сылыйан, хаһаайкалар аны сайыҥҥа, сорохтор оннооҕор кэлэр идэһэҕэ диэри…
Күүһү түмтэххэ, кыттыстахха, кыаллыбат да кыалларын Бүлүү улууһун Халбаакы нэһилиэгин үтүө холобуругар көрүөххэ сөп. Манна…
— Хапытаалынай өрөмүөн иһин усунуоһу төлөөһүҥҥэ өйөбүл миэрэтэ баар дуо? Ыйытыыга “Субсидиялар ааҕыныстыбалара” СӨ ГКУ…