«оБЕРЕГай» — айылҕа кытылын харыстаа!

Бу маннык ааттаах, айылҕаны харыстыырга ыҥырар аахсыйаны «АЛРОСА» хампаанньа экологическай киинэ 2018 сылтан тэрийэр. Бу сыллар усталарыгар Сунтаар элбэх оскуолаларыгар сырыттылар.

Быйыл Уһун Күөл, Түбэй-Дьаархан, Элгээйи нэһилиэктэригэр сылдьан аһаҕас уруоктары ыытыллар, айылҕаны харыстыырга ыҥырар суолталаах ойуулуктары көрдөрдүлэр, викторина тэрийдилэр.

Маны тэҥэ, оскуолаларга уу, буор уонна салгын биохимическай анаалыстарын чинчийэргэ аналлаах «Пчелка-У-био» дьоҕус лаборатория тэрилин туттардылар. Хас биирдии үөрэнээччигэ өйдөбүнньүк бэлэхтэри түҥэттилэр. Ол кэннэ Бүлүү өрүс кытылын хомуйдулар. Олохтоох дьаһалта тыраахтарын прицебын толорон сыбаалкаҕа таһаардылар.

Өрүс кытылыттан саҕалаан айылҕа бүттүүнүн харыстыахха!

Тускулаана ГОРОХОВА-КОБЕЛЬЯНОВА