Обществознаниеҕа биир кэлим эксээмэн түмүгэ билиннэ

Бэс ыйын 8 күнүгэр буолбут обществознаниеҕа биир кэлим эксээмэн түмүгэ билиннэ. Тустаах биридимиэти элбэх оҕо талар, быйыл 2368 киһи туттарда. Бу туһунан Ил Дархан уонна Бырабыыталыстыба саайтыгар суруллар.

Обществознаниеҕа 90-тан үөһэ бааллаах икки оҕо баар. Ол курдук, Мииринэй куорат 12-с нүөмэрдээх оскуолатын үөрэнээччитэ София Евстратова 94 баалы, Дьокуускай куорат 23-с нүөмэрдээх оскуолатын үөрэнээччитэ Влада Долженко 92 баалы ыллылар.

185 киһи бу биридимиэккэ биир кэлим эксээмэни 70-тан үөһэ баалга туттардылар. Эксээмэн 136 пууҥҥа ыытылынна. Тэрээһин хаамыытын эрэгийиэннээҕи уонна федеральнай уопсастыбаннай кэтээн көрөөччүлэр кэтээтилэр.

Үрдүк үөрэхтэр 42-тэн кыра бааллаахтары куонкуруска киллэрбэттэр.