Хаартыскаҕа Мария Васильева түһэриитэ, СИА
Саха сирин общиналарын бэрэстэбиитэллэрэ сибэкки дьөрбөтүн уурдулар.
Кулун тутар 24 күнүгэр сарсыардаттан Дьокуускайга Кыайыы болуоссатыгар дьоннор сибэкки, оонньуур аҕалан уураллар, чүмэчи уматаллар. Кинилэр Красногорскайга «Крокус Сити Холл» комплекска теракт буолбутуттан улаханнык курутуйалларын биллэрэллэр. Өрөспүүбүлүкэ национальнай общиналарын бэрэстэбиитэллэрэ сибэкки дьөрбөтүн аҕалан уураллар.
«Бу иэдээни оҥорбут сидьиҥ санаалаахтары уонна ону тэрийээччилэри ханна да бырастыы гымматтар. Терроризм, экстремизм, фашизм суох буолуохтаахтар. Норуоттар доҕордоһуулара суох эрэгийиэн да, дойду да сайдыбат», — диэн СӨ тас сибээскэ уонна норуоттар дьыалаларыгар миниистир Гаврил Кириллин этэр.
Кэнники дааннайынан, теракт түмүгэр 133 киһи өлбүт, кимнээҕин быһаараллар. Умайбыт саалаҕа үлэлиир анал тиэхиньикэ аҕалыллыбыт, үлэ ыытыллар.
«Москва таһыгар буолбут алдьархай — бүтүн киһи-аймахха улахан трагедия.Бу иэдээн киһилии толкуйа суох, сиэрдэрин сүтэрбит сидьиҥ санаалаахтар дьыалалара. Өлбүттээхтэргэ дириҥ кутурҕаммын тиэрдэбин уонна бары түмсүүлээх буолуоҕуҥ», — диэн этэр Саха сиригэр ыччат Ассамблеятын бэрэссэдээтэлэ Нуруддин Нуруддинов.
«Бу барыбыт сүтүкпүт. Алдьархайы устубут видеоларын көрөн киһи ытыыр», — диэн этэр Дьокуускай олохтооҕо Гликерия Филимонова уонна бары биир санаалаах буоларбытыгар этэр.
«Бу буолбут иэдээнтэн киһи хайдах да айманар, хараастар. Биһиги соторутааҕыта кыыспытын сүтэрбиппит. Онон бу иэдээҥҥэ оҕолорун сүтэрбит төрөппүттэр сүрэхтэрэ, дууһалара хайдахтаах ыалдьарын мин өйдүүбүн. Барыларыгар тулууру баҕарабын», — диир болуоссакка сибэкки дьөрбөтүн уураары кэлбит Александра Мазек.
РФ Бэрэсидьиэнэ Владимир Путин кулун тутар 24 күнүн Кутурҕан күнүнэн биллэрбитэ. Бу күн дойду үрдүнэн араас аралдьытар тэрээһиннэр ыытыллыбаттар.
Саха норуодунай суруйааччыта, Саха Өрөспүүбүлүкэтин култууратын үтүөлээх үлэһитэ, СӨ Суруйааччыларын сойууһун бэрэссэдээтэлинэн үлэлээбит Егор Петрович…
Быйыл өрөспүүбүлүкэ 13 арктическай улууһугар барыларыгар эргиэн логистическай кииннэрэ аһылыннылар. Бу соругу Айсен Николаев Судаарыстыбаннай…
СӨ Баһылыга Айсен Николаев 2024 сылга Судаарыстыбаннай Мунньахха (Ил Түмэн) Ыҥырыытыгар биэрбит сорудаҕын толорон, өрөспүүбүлүкэҕэ…
Бу 2025 сылга Кыыллаах орто оскуолатын кыраайы уонна устуоруйаны үөрэтэр түмэлэ тэриллибитэ 55 сыла. Садот…
Дьокуускайга өрөспүүбүлүкэ муниципальнай тэриллиилэрин бэрэстэбиитэллээх уорганнарын дьокутааттарын III сийиэһэ буола турар. Ил Түмэн спикерэ Алексей…
«Кыайыыга бииргэ!» өрөспүүбүлүкэтээҕи хамыыһыйа суһал ыстаабыгар анал байыаннай дьайыы кыттыылаахтарыгар Саҥа дьыллааҕы бэлэхтэри түҥэтии саҕаланна.…