Хаартыска: www.sakha.gov.ru
ОДьКХ Бүлүүтээҕи филиала кэлэр оттук сезонугар эбийиэктэри бэлэмнээһиҥҥэ күүстээх үлэни ыытар. Билиҥҥи туругунан, Бүлүү куорат уонна Хампа сэлиэнньэтин эбийиэктэригэр 12 насос тэрилэ уларытылынна. Ону таһынан Үгүлээт уонна Кыргыдай нэһилиэктэригэр, итиэннэ Бүлүү куоракка уопсайа 1 км тахса усталаах ититии ситимнэрэ өрөмүөннэннилэр.
Бу туһунан ОДьКХ Бүлүүтээҕи филиалын дириэктэрэ Андрей Лобашев иһитиннэрдэ. Кини этэринэн, быйыл бигэргэтиллибит өрөмүөн бырагырааматынан, Илбэҥэ сэлиэнньэтин киин хочуолунайыгар горелкалаах икки хочуолу солбуйуохтаахтар, өссө үс насоһу туруоруохтаахтар уонна 1,3 км усталаах инженернэй ситимнэри өрөмүөннээн бүтэртиэхтээхтэр.
«Үлэ барыта саҥа оттук кэмигэр бэлэмнэнии кыраапыгыттан уонна тэхиниичэскэй регламеныттан туораабакка, былаан быһыытынан ыытыллар», — диэн Андрей Лобашев эбэн эттэ.
Санатан эттэххэ, оттук кэмигэр диэри ОДьКХ производственнай филиалларыгар сүрүн уонна көмө тэриллэри өрөмүөннүүллэр уонна уларыталлар. Өрөмүөн хампаанньатын кэмигэр 81 хочуол тэрилин, 82 насоснай агрегаты, 12 горелканы уонна 39 мэхэньииһими солбуйуу былааннанар. Ону таһынан уопсайа 44 км усталаах инженернэй ситимнэри хапытаалынай өрөмүөннээһин уонна солбуйуу үлэтэ көрүллэр. Ол иһигэр: 32,5 км – ититии ситимнэрэ, 10,3 км – уу ситимнэрэ уонна 1,2 км – канализация ситимнэрэ.
“Саха сирэ – Дьоруойдар дойдулара" каадыр бырагырааматын кыттыылааҕа уонна СӨ Уу хаһаайыстыбатын уонна халаан содулларын…
Атырдьах ыйын 1-2 күннэригэр Амма улууһун киинигэр “Төрүт түөлбэм төлкөтө” диэн уопсастыбанньыктар пуорумнара ыытыллар. Бу…
Биирдии киилэ моркуобу, помидору, луугу итиэннэ киилэ аҥара биэрэһи, 300 г петрушканы, биир оччо укуруобу…
Бу күннэргэ оройуоҥҥа доруобуйа харыстабылын министиэристибэтиттэн эмчиттэр бөлөхтөрө үлэлии сылдьар. Бу туһунан улуустааҕы"Хотугу сардаҥа" хаһыат…
Бу күннэргэ өбүгэ ньыматынан сахалыы эмтиир Виктор Кривошапкин үбүлүөйдээх 65 сааһын бэрт уратытык бэлиэтээтэ. Сахалыы…
Индигиир өрүс алдьатыылаах халаанын кэнниттэн Өймөкөөн улууһун нэһилиэктэригэр чөлүгэр түһэрии үлэтэ тэтимнээхтик бара турар. Улууска…