Хаартыска Мэҥэ Хаҥалас улууһун дьаһалтатын пресс-сулууспатыттан
Бэҕэһээ Мэҥэ Хаҥалас улууһун Аллараа Бэстээҕэр «Парус» успуорт уораҕайыгар Саха Өрөспүүбүлүкэтин «Олорор дьиэ-уот, коммунальнай хаһаайыстыбата» судаарыстыбаннай унитарнай тэрилтэ илин эҥэрдээҕи филиалларын үлэһиттэрин XXII спартакиадата аһылынна.
Спартакиада Мэҥэ Хаҥалас улууһун филиала төрүттэммитэ 65 сылыгар ананан тэрилиннэ. Манна Чурапчы, Амма, Таатта, Уус Алдан, Томпо, Мэҥэ Хаҥалас улуустарыттан барыта 271 спортсмен кыттыыны ыла кэллэ. Волейболга, футболга, мас тардыһыытыгар, хапсаҕайга, гиирэҕэ, буулдьанан ытыыга, остуол тенниһигэр, дуобакка, саахымакка икки күн устата күөн көрсүөхтэрэ диэн Мэҥэ Хаҥалас улууһун дьаһалтатын пресс-сулууспата иһитиннэрэр.
Сүрүн судьуйанан Арассыыйа Федерациятын физическэй култууратын уонна успуордун үтүөлээх үлэһитэ Гаврил Попов үлэлиэҕэ.
«Нэһилиэнньэ нус-хас олоҕун хааччыйар коммунальнай хаһаайыстыба үлэһиттэригэр, спартакиада кыттыылаахтарыгар ахсаабат кыһамньыларын, үлүскэн үлэлэрин иһин махталбытын тириэрдэн туран ситиһиини, интэриэһинэй оонньуулары, кыайыыны-хотууну баҕарабыт», — диэн улуус баһылыга Дмитрий Тихонов тэрээһин үөрүүлээх аһыллыытыгар эттэ.
П.Х.Староватов аатынан Элгээйи оскуолата быйыл 150 сыла. Бу саас "Пеший поход: родные просторы" барылынан Арассыыйатааҕы…
Элгээйи олохтоохторо өр кэтэспит саҥа таас балыыһалара быйыл үлэҕэ киирбитэ. Балыыһа уон киһи сытан эмтэнэр…
ИДьМ Мииринэй оройуонунааҕы полиция салаатыгар түөкүттэргэ албыннатан 1 140 000 солк. суйдаппыт 39 саастаах Айхал…
Лабыктаны аска-үөлгэ кутан сиир, оргуйбут итии ууга көйөрөн иһэр туһалаах дииллэр... Тумуу, кириип, сөтөл ыарыыта…
Василий Галузаны баһылыгынан талыы олохтоохтор байыаннай дьайыы кыттыылаахтарын өйүүллэрин туоһулуур. Кинилэр бүгүн лидердар, салайааччылар. …
"ОДьКХ" ГУП 23 тыһыынча дьиэҕэ ититиини киллэрбит. Маны таһынан тыһыынчаттан тахса социальнай эбийиэктэр, олор истэригэр оскуолалар,…