Хаартыска: ЯСИА.
2026 сыл саҥатыгар дойду үрдүнэн кремация сыаната биллэ үрдээбитэ көстөр. Сүрүн биричиинэтинэн ОДьКХ өҥөтүн тарыыба үрдээһинэ буолла.
«Арассыыйа үрдүнэн ОДьКХ тарыыба үрдээбитинэн кремация сыаната эмиэ эбилиннэ. Ортотунан өҥө сыаната 20 тыһыынча солкуобайынан эбилиннэ», — диэн суруйар Baza.
Сыана Саҥа дьыл бырааһынньыктарын кэннэ тута эмискэ үрдээбит. Крематорийдар бэрэстэбиитэллэрэ сыана үрдүүрүгэр тиэрдибит хас да сүрүн биричиинэни ааттыыллар. Бастакы уонна саамай суолталаах төрүөт — уот тарыыба үрдээһинэ: юридическай сирэйдэргэ уот сыаната 8-12%, онтон гаас 7-10%-нан эбиллибит. Өссө икки төрүөтүнэн тас дойду тэриллэригэр саппаас чаастар тиийбэттэрэ уонна гааһы ыраастыыр булгуччулаах систиэмэлэргэ ороскуот үрдээһинэ буоллулар.
Сыана үрдээһинэ ордук Москваҕа уонна Москва уобалаһыгар билиннэ. Сыана 20-тэн 45 тыһыынча солкуобайга диэри үрдээбит. Балашихаҕа баар Николо-Архангельскай крематорийын үлэһиттэрэ иһитиннэрэллэринэн, билигин өҥө бакыата (кремация уонна ууруна) 80-85 тыһыынча солкуобай буолбут. Хас да ый анараа өттүгэр бу өҥө икки төгүл чэпчэки эбит. Кэлиҥҥи үс ый иһигэр өҥө 8-10 тыһыынча солкуобайынан үрдээбит.
Дьокуускайга сыана 58 тыһыынча солкуобайтан саҕаланар уонна эбии өҥөлөртөн көрөн уларыйыан сөп. Тэҥнээн көрдөххө, куорат ритуальнай өҥөлөрүн ырыынагын дааннайынан, билигин пааматынньыгын, күрүөтүн уонна көмүүгэ бэлэмнээһинин аахтахха, киһини көмүү ортотунан 120 тыһыынчаттан тахса солкуобай буолар.
Үгүс хаһаайкалар ас астыы сылдьан эт кырбыылларыгар убаһа, ынах сыатын туспа быһан салапааҥҥа суулууллар уонна…
Булуҥ оройуонун суута Эдьигээн олохтооҕун буруйдааҕынан билиннэ. Кини утарылаһааччытын куруусканан төбөҕө охсон, киһи өлүүтүгэр тиэрдибит…
Бу сайын Дьокуускайга Норуоттар икки ардыларынааҕы интеллектуальнай оонньуулар ыытыллыахтара, онно Азия 20 дойдутуттан оскуола оҕолоро…
Холбоһуктаах Араб Эмираттарын киин куоратыгар «Успуорду таптааччыларын аһаҕас оонньуулара» (Open Masters Games) түмүктэннэ. Бу оонньуулар…
Быйыл Олоҥхо ыһыаҕа от ыйын 4–5 күннэригэр Кэбээйи нэһилиэгэр ыытыллыаҕа. Бырааһынньыкка бэлэмнэнии номнуо саҕаланна: манна…
Олунньу 14 күнүгэр Кэбээйи сэлиэнньэтигэр Надежда Софронеева кэриэһигэр "Большие танцы" улуустааҕы үҥкүү күрэхтэһиитэ буолла. [gallery…