Хаартыска: Галина Мозолевская, ЯСИА
Госдуума Дьиэ тутуутугар уонна ОДьКХ кэмитиэтин бастакы бэрэссэдээтэлин солбуйааччы Сергей Колунов ТАСС-ка иһитиннэрбитинэн, элбэх кыбартыыралаах дьиэлэр олохтоохторо ититии иһин төлөбүрдэри хос суоттатар бырааптаахтар, өскөтүн кинилэр кыбартыыраларыгар эбэтэр подъезтарыгар салгын температурата нуорматтан намыһах буоллаҕына.
Ол эрээри, кини этэринэн, ити кыһалҕаны докумуоҥҥа суруйан бигэргэтии ирдэнэр. Дьокутаат быһаарбытынан, билиҥҥи кэмҥэ олорор кыбартыыраҕа салгын температурата нуормата 18-тан 20 кыраадыска диэри итии буолуохтаах, оттон олорор дьиэлэр подъезтарыгар ититэр кэмҥэ салгын температурата 16 кыраадыстан аллараа түһэрэ табыллыбат. Кини эбэн эппитинэн, өскөтүн салгын температурата нуормаҕа сөп түбэспэт буоллаҕына, ОДьКХ төлөбүрэ хос ааҕыллан суоттаныан сөп.
Колунов быһаарбытынан, ититии кыһалҕатын быһаарарга уонна төлөбүрдэри хос суоттатыыга салайар хампаанньаҕа тиийэр ирдэнэр. Кини этэринэн, кэһиилэри туоратыыга биир хонук бэриллэр, ол эрээри уустук, улахан үлэни эрэйэр түгэннэргэ бу болдьох сэттэ хонукка диэри уһатыллыан сөп. Кэмитиэт бастакы бэрэссэдээтэлин солбуйааччыта эбии бэлиэтээбитинэн, салгын температурата нуормаҕа сөп түбэспэтин докумуоҥҥа хайаан да суруттарыахха наада, ол эрээри салайар хампаанньа үлэһититтэн аахта суруллара ирдэнэр. Кини быһаарбытынан, докумуона суох тарыып сыанатын уларыйыытын төрүөтүн дакаастыыр уустук буолуоҕа.
Дьокуускай куорат "Спортивнай" түөлбэтигэр уопсайа 329 тыһыынча кв.м кэриҥэ иэннээх 53 элбэх кыбартыыралаах дьиэ тутуута…
Бүгүн, олунньу 3 күнүгэр, киэһээ 16:14 чааска Саха сирин Быыһыыр сулууспатыгар 112 нүөмэригэр Бүлүүлүүр суол…
Үгэскэ кубулуйбут «Тымныы полюһугар айан 2026» бэстибээл улууска кулун тутар 28 күнүттэн 30 күнүгэр диэри…
Полиция албын дьиэтээҕи чаттарга ыытар түөкүн чат-бот сигэлэрэ баар буолбуттарын иһитиннэрдэ. Холобур, счетчигы бэрэбиэркэлиир маннык…
Вице-премьер Георгий Степанов салайааччылаах өрөспүүбүлүкэ бырабыыталыстыбатын оробуочай бөлөҕө Муома улууһун Буор-Сыһыы сэлиэнньэтигэр отчуоттаата, диэн www.sakha.gov.ru…
Бу күннэргэ өрөспүүбүлүкэ улуустарын Землячестволара ааспыт сыллааҕы үлэлэрин түмүгүн таһаарар тэрээһиннэри ыыталлар. Ааспыт нэдиэлэ бүтүүтүгэр…