Хаартыска СӨ Үрдүкү Суутун пресс-сулууспатыттан
2023 сыл тохсунньутугар Томпо улууһун Дьабарыкы Хайа бөһүөлэгэр Лесная уулуссаҕа итии ууну биэрэр турба тэстибит. Итии уу уулуссаны, дьиэни уонна хаһаайыстыбаннай тутуулары барытын ылбыт. Халлаан тымныы буолан, бу барыта көрүөх бэтэрээ өттүгэр муус болгуо буолбут. Бу туһунан СӨ Үрдүкү Суутун пресс-сулууспата иһитиннэрэр.
Эмсэҕэлээччи саас даачатыгар кэлбитэ дьиэтигэр киирэр кыаҕа суох буолбут: тула барыта муус, ол иһин түннүгүнэн нэһиилэ киирбит. Дьиэ иһинээҕи мала-сала барыта ууга баран, буорту буолбут. Уопсай хоромньуну кээмэйэ 937103 солкуобайга тэҥнэспит.
Эмсэҕэлээччи 2024 сыл муус устар ыйыгар ОДьКХ тэрилтэтигэр хоромньуну толуйтараары суут иннинээҕи бэрээдэгинэн быһаарсаары сайабылыанньа ыыппыт, ол эрээри ыам ыйыгар киниэхэ аккаас кэлбит. Ол иһин суукка үҥсэргэ күһэллибит.
«СӨ ОДьКХ» ГУП бэрэстэбиитэлэ суукка кэлбэтэх, ол иһин дьыала кинитэ суох көрүллүбүт. Суут быһаарбытынан, уу хас да ый устата тохтубут, ол иһин сүүнэ улахан муус көһөҥө үөскээбит.
Томпо улууһун суута ирдэбили бигэргэттэ уонна “СӨ ОДьКХ” ГУП 937103 солкуобай хоромньуну уонна 33742 солкуобайы суут ороскуотугар төлөтөргө уураахтаата. ОДьКХ тэрилтэтэ бу быһаарыыны кытта сөбүлэспэккэ ааһыныы биэрэ сатаабыт эрээри, Саха Өрөспүүбүлүкэтин Үрдүкү Суута бастакы суут уурааҕын уларыппатах.
Апелляционнай суут бастакы инстанция суутун уурааҕын бигэргэппит уонна сокуоннай күүһүгэр киирбит.
Саха сирэ Арассыыйа эрэгийиэннэрин ортолоругар хоруупсуйаны утары охсуһууга үлэтинэн рейтиҥҥэ 7 -с миэстэҕэ сылдьар. Бэлитиичэскэй…
Бу күннэргэ бойобуой дьайыылар бэтэрээннэрэ Захар Слепцов суоппар дастабырыанньатын ылла. 2022 сыллаахха күһүн Захар мобилизациянан сулууспаҕа…
Бу күннэргэ Үөһээ Бүлүүтээҕи техникум үлэһиттэрэ уонна устудьуоннара байыаннай дьайыыга сылдьар уонна госпиталларга сытар уолаттарга…
"Колмар" хампаанньа ситиһиилэрин, 2025 сылга үп-харчы уонна экэнэмиичэскэй көрдөрүүлэрин, 2026 сыллааҕы былааннарын туһунан мунньаҕы Ил…
Офтальмология өрөспүүбүлүкэтээҕи балыыһата улуустартан кэлбит ыарыһахтар катаракталарын суһаллык эмтиир. Улуустан кэлбит дьон биир күн иһигэр…
Саха сиригэр бырааска МАХ мессенджер нөҥүө суруттарыахха сөп буолла. Бу туһунан СӨ доруобуйа харыстабылын…