Хаартыска: ОДьКХ пресс-сулууспата
ОДьКХ үлэһиттэригэр Аҕа дойду Улуу сэриитигэр Кыайыы 80 сылыгар анаммыт бэтэрээннэргэ көмө оҥорор «80 үтүө дьыала» аахсыйа салҕанар. Бу туһунан тэрилтэ пресс-сулууспата иһитиннэрэр.
Ааспыт бырааһынньыктааҕы күннэргэ «СӨ ОДьКХ» ГУТ холбоһуктаах идэлээх сойууһун, толорор дириэксийэтин, «Коммунтеплосбыт», «Коммункомплектация», «Тутуллар эбийиэктэр дириэксийэлэрэ» филиалларын уонна «СахаЭнергоЭффект» ХЭТ үлэһиттэрэ Дьокуускай таһыгар Табаҕа сэлиэнньэтин аттыгар муус ылыытыгар кытыннылар.
Тэрилтэ волонтердара кыһын-саас кэмигэр иһэр ууга анаан муус бэлэмнээн, уон аадырыска тиксэрдилэр. Табаҕа олохтооҕо, бэтэрээн Галина Леонтьевна Лобанова ОДьКХ үлэһиттэригэр оҥорбут көмөлөрүн, кыһамньыларын иһин махталын биллэрдэ. Ону таһынан, мууһу киин куорат чааһынай секторыгар олорор байыаннай дьайыы аҕыс кыттыылааҕын дьиэ кэргэнигэр уонна тыыл бэтэрээнигэр тиэртилэр.
«СӨ ОДьКХ» ГУТ-тан кыттыбыттар бэлиэтээбиттэринэн, маннык тэрээһиннэр бэйэ-бэйэҕэ көмөлөһүү уонна болҕомто ууруу суолталааҕын санатан, тэрилтэ социальнай үлэтин биир сүрүн хайысхатынан буолаллар.
Кыһыммыт саҕаланыан иннинэ Мэҥэ Алдан нэһилиэгэр байыаннай дьайыы кыттыылаахтарын дьиэ кэргэттэригэр үгэс быһыытынан муус бэлэмнээтилэр.…
Үөһээ Бүлүү улууһугар хас да хонуктааҕыта сүппүт аҕам саастаах булчут өлүгүн буллулар. Бу туһунан быһылаан…
Амма улууһа уонна Баһылай Харысхал аатынан пуонда норуодунай суруйааччы төрөөбүтэ 75 сылынан Баһылай Харысхал аатынан…
Чугастааҕы нэдиэлэлэргэ Арассыыйаҕа кириибинэн ыалдьыы күүскэ элбиирэ күүтүллэр, оттон эпидемия муҥутуур чыпчаала кыһын ортотугар буолуоҕа.…
Аҕа дойду Улуу сэриитигэр Кыайыы 80 сылыгар «Кыайыы Харыйатын уруһуйдаа» диэн норуоттар икки ардыларынааҕы уруһуй…
Дьокуускай-Аллараа Бэстээх хайысханан "Халыма" федеральнай суолунан Өлүөнэ өрүһү туоруур кыһыҥҥы суолу 2026 сыл тохсунньу 5…