ОДьКХ үлэһиттэрэ суол саахалыгар түбэспиттэринэн 620 тыһ.солк. ылыахтара

2024 сыл кулун тутарга ОДьКХ ГУП Хаҥалас филиалын үс үлэһитэ Покровскайтан Дьокуускайга аттестацияҕа айаннаабыттар.

Тэрилтэ тырааныспарынан «Умнас» суол 37-с км учаастагар суол саахалыгар түбэспиттэр. Быһылаан түмүгэр үлэһиттэр араас эчэйиини ылбыттар.

Хаҥалас оройуон борокуратууратын ирдэбилинэн оройуон суута эмсэҕэлээбиттэргэ моральнай кэмпэнсээссийэни төлүүргэ эбээһинэстээтэ. Тэрилтэ эмсэҕэлээбиттэргэ уопсайа 620 тыһ. солк. харчыны ыытыаҕа.

Суут быһаарыыта борокуратуура хонтуруолугар ылылынна, диэн СӨ Борокуратууратын пресс-сулууспата иһитиннэрдэ.