Хаартыска: ааптар түһэриитэ
Одьулууҥҥа Бырабыыталыстыба отчуотун кэмигэр нэһилиэк баһылыга Людмила Ефремова түмүк тылыгар Үрэх Күөрэ учаастагын кыһалҕатын туруоруста.
Людмила Васильевна этэринэн, былырыын Үрэх Күөрэ учаастагар хочуолунай тутуутугар үп-харчы көрүллэн, номнуо тутуу матырыйаала таһыллыбыт. Бу хочуолунай тутулуннаҕына, ититии ситимигэр оскуола-уһуйаан, 12 чааһынай дьиэ, ФАП холбонуохтаахтар.
Саҥа хочуолунай тутулуннаҕына, дьон олохсуйарыгар төһүү саҕалааһын буолуоҕа. Тоҕо диэтэххэ, бу учаастак тыа хаһаайыстыбатын сайдыытыгар суолталаах көмөнөн буолар. Онон Үрэх Күөрэ учаастак олохтоохторо сотору кэминэн хочуолунай ситэ тутуллан үлэҕэ киириэҕэ диэн эрэнэллэр.
Санаттахха, Чурапчы улууһугар Бырабыыталыстыба отчуотун бөлөҕө үс бөлөххө хайдыһан, бары нэһилиэктэргэ тиийиэхтэрэ. Ол курдук, бөлөхтөрү Тыа хаһаайыстыбатын уонна аска-үөлгэ бэлиитикэтин миниистирин солбуйааччы Сахаяна Павлова, экэниэмикэ миниистирин солбуйааччы Иван Евсеев, тырааныспар уонна суол хаһаайыстыбатын миниистирин солбуйааччы Семен Коркин салайаллар.
Саха сиригэр СӨ ситэриилээх былааһын отчуота олунньу 3 күнүттэн саҕаланан, кулун тутарга диэри түмүктэниэҕэ. “Саха” НКИХ түмүгү таһаарыахтара.
Дьокуускайга ыытылла турар Уһук Илин эргэгийиэннэр сүүмэрдэммит хамаандаларын художественнай гимнастикаҕа биирдиилээн бастыыр иһин күрэхтэһиилэрэ Саха…
Өрөспүүбүлүкэтээҕи 2 №-дээх балыыһаҕа-Мэдиссиинэ Суһал көмөтүн киинигэр Саха сирин улуустарын Киин балыыһалара, поликлиникалар, атын балыыһалар…
Эспиэрдэр бэлиэтииллэринэн, дойду тэбэр сүрэҕэр Москваҕа ааттаах-суоллаах улахан эрэстэрээннэр сабыллыыларын улахан долгуна бэлиэтэннэ. Бу маннык…
«ВИС» бөлөх Өлүөнэ өрүс нөҥүө күргэни тутууга үлэни тэнитэр. Бүгүн коффердамнары туруорарга уонна өрүс ортотунааҕы…
Олунньу 14 күнүгэр Саха сирин Ытык кырдьаҕаһа, тыыл бэтэрээнэ Федора Николаевна Иванова 104 сааһын туолла.…
Аҕа дойдуну көмүскээччилэр күннэригэр диэри биир нэдиэлэттэн эрэ ордук кэм хаалла. Дьокуускайтан байыаннай дьайыы зонатыгар…