Горнай улууһугар айрширскай боруода сүөһүлэри аҕаллылар

Горнай улууһун Одуну нэһилиэгэр Маҕарас агрооскуола кэпэрэтиибигэр Томскай уобаластан, СПК «Белосток» диэн тэрилтэттэн, биэс күн айаннаан айрширскай боруода 13 бургунаһа кэллэ, диэн «Үлэ күүһэ» хаһыат суруйар.

Кинилэр этэҥҥэ айаннаан кэлэн, бэрт холкутук «КАМАЗ» массыынаттан түстүлэр. Онтон саҥа, киэҥ-куоҥ хотонноругар киирэн, бэрт көхтөөхтүк уонна сэниэлээхтик дойдубут отун сиэн бардылар. Онон айрширскай боруода сүөһүлэрэ саҥа сиргэ олохсуйан, биһиги тыйыс айылҕабытыгар үөрэнэн, төрөөн-ууһаан, өлгөм үүтү биэриэхтэрэ диэн эрэнэбит. Билигин сүөһүлэр ирдэбил быһыытынан 30 күн харантыыҥҥа тураллар.

Алена Васильева