хаартыска: Офтальмология балыыһатын архыыбыттан
Офтальмология өрөспүүбүлүкэтээҕи килииничэскэй балыыһатын мобильнай биригээдэлэрэ Саха сирин улуустарыгар тиийэн үлэлииллэрэ үтүө үгэскэ кубулуйда.
Балыыһа кылаабынай бырааһа Иван Луцкан иһитиннэрбитинэн, балыыһа мобильнай биригээдэ олунньуга Анаабыр, Сунтаар, Ньурба, Үөһээ Бүлүү уонна Бүлүү улуустарыгар үлэлиэҕэ.
Барыллаан графикка өссө Уус Алдан, Нам уонна Уус Маайа улуустара киллэрилиннилэр. Кулун тутарга офтальмологтар Абый, Орто Халыма, Аллараа Халыма, Чурапчы уонна Амма улуустарын олохтоохторун харахтарын туругун бэрэбиэркэлиэхтэрэ уонна эмтиэхтэрэ.
Манна сыһыаран биир үөрүүлээх сонунун үллэһиннэххэ, Офтальмология өрөспүүбүлүкэтээҕи килиниичэскэй балыыһата өрөспүүбүлүкэҕэ Үлэ сылын тэрээһиннэрин бастыҥ ыытааччылар куонкурустарыгар бас билии бары көрүҥнээх тэрилтэлэрин ортолоругар кыайыылаах таҕыста. Кэлэктиипкэ 300 тыһыынча суумалаах сэртипикээт туттарылынна.
“Бу биһиэхэ олус соһуччу буолла. Кыайыылаахтар ааттара бүтэһиккэ диэри кистэлэҥҥэ тутуллубута. Биһиги балыыһабыт түмсүүлээх кэлэктиибэ саҥаттан саҥа ситиһиилэнэргэ уонна өрөспүүбүлүкэ олохтоохторун доруобуйаларын туһугар үлэлииргэ бэлэм. Бу – биһиги хамаандабыт: быраастар, мэдиссиинэ сиэстэрэлэрин, санитардар, тэрилтэ дьаһалтатын кыайыыта. Дьоҕус эрээри, үлэһит кэлэктииппит түмүктэринэн өрөспүүбүлүкэ киэн туттар”, — диэн Иван Луцкан кэлэктиибин дьонугар махтанна.
Социальнай пуонда Саха сиринээҕи салаата быйыл 2843 киһи сонотуоруйга-куруорка барарыгар айаннарын ороскуотун төлөөтө. 2025…
Өрөспүүбүлүкэҕэ ааспыт нэдиэлэ түмүгүнэн, Саха сиригэр 8,8 тыһыынча киһи тымныйбыта, тумуулаабыта (ОРВИ) бэлиэтэммит. Бу ол…
Билигин кирэдьииттэрин кэмигэр төлөөбөт, ону ааһан биир да харчыны төлөөбөт дьон бааллар. Суут бириистэптэрин Амма…
"Защитники Отечества" пуонда учуотугар өрөспүүбүлүкэ үрдүнэн 198 (байыаннай дьайыы кыттыылааҕа) инбэлиит турар. Сүрүн болҕомто тиэхиньиичэскэй…
Бэҕэһээ “Путь воина” байыаннай-тактическай күрэхтэһиилэр аһыллыылара буолбута. Бүгүн сарсыардаттан икки хамаанда – Саха сириттэн «Боотур»…
Дьокуускайга бэлисипиэтинэн үгүстүк оҕолор уонна эр дьон сылдьалларын көрөбүн. Бүгүн биир саастаах дьахтар бэлисипиэтинэн сылдьарын…