Бу күннэргэ сааскы ылааҥы күн Өксөкүлээх Өлөксөй аатынан норуоттар доҕордоһууларын дьиэтин Айар мастарыскыайа «Огдооччуйа сүдү талааныгар сүгүрүйэ» диэн өрөспүүбүлүкэтээҕи көр-күлүү күрэстэрин кыайыылааҕа Туяра Стручкова-Огдооччуйа сырдык кэриэhигэр аналлаах ахтыы киэhэтэ буолан ааста.
“Дьээбэрэҥ”, “Сааскы сирэйдэр”, “Көр-күлүү кустуга” күрэстэрин Гран-При хаhaaйката, норуот талааннааҕа, көрү-күлүүнү көҕүлүттэн туппут сыана чаҕылхай сулуhа, дьоҥҥо биһирэммит көрдөөх сыаҥкалар ааптардара Туяра Стручкова-Огдооччуйа айымньылаах олоҕун кини доҕотторо салгыы сылдьалларын билиһиннэрэн, бэйэлэрин бастыҥ нүөмэрдэрин көрөөччүлэргэ бэлэхтээтилэр.
Ол курдук, “Дьээбэрэҥ” көр-күлүү өрөспүүбүлүкэтээҕи күрэһин Гран-При хаhаайыттара, кыайыылаахтара: Абаҕатааҕы норуот тыйаатырын «АйТал» көр-күлүү бөлөҕө (сал. Евгения Попова), бөлөх сулуhа Константин Третьяков (Абаҕа, Амма улууhа), Аркадий Новиков тэрийбит Майатааҕы «Көөчөөн көрө» көр-күлүү тэттик народнай тыйаатыра (сал. Анна Охлопкова), «Хоросо» көр-күлүү бөлөҕө (сал. Иван Касьянов, Хоро, Үөhээ Бүлүү), «Быара суохтар» көр-күлүү бөлөҕө (сал. Мария Дьячковская, Чурапчы), «Балаҕаннаах бэтиэхэлэрэ» норуот тыйаатырын көр-күлүү бөлөҕө (сал. Михаил Жендринскэй, режиссёр Андрей Андреев (Балаҕаннаах, Үөhээ Бүлүү), «Бэрт бэтиэхэлэрэ», Тойон Мүрү култуура дыбарыаhа (сал. Валентина Варламова, Уус Алдан), «Сальма» үҥкүү бөлөҕө (сал. Анастасия Габышева-Сыдьаайа, Дьокуускай к.) уо.д.а. биллэр-көстөр көр-күлүү бөлөхтөрө бэйэлэрин “короннай” нүөмэрдэрин көрдөрдүлэр. Огдооччуйа доҕотторун кэнсиэргэ ыҥырар афишалара дьону угуйардыы оҥоһуллан, бэрт элбэх киһи ыраахтан-чугастан муһунна.
Өксөкүлээх Өлөксөй аатынан норуоттар доҕордоһууларын дьиэтин кэнсиэрдиир саалата хаһан да маннык үгүс көрөөччүнү түмпүтэ суоҕа.
Мэктиэтигэр, туран да көрөр сир суох гына саала көрөөччүнэн туолла.
Ырыаһыт Атамай Уйбаан аатырбыт «Уонна хаһан…» ырыатынан киһи олоҕо кылгаһын, олоруохтаах кэмҥэр барыга бары көхтөөхтүк кыттан, үөрүү-дьол арыалланан сылдьары санатан туран, Туяра Стручкова-Огдооччуйа кылгас эрээри чаҕылхай олоҕун туһунан ахтыы долгунугар киллэрдэ.
Буордаах Бороҕон уонна Индия туох сибээстээхтэрин уус-алданнар театральнай көрдөрүүлэрэ кэрэхсэттэ.
Салгыы саха уола уонна Индия кыыһын тапталлара туох көстүүгэ тиэрдибитэ эмиэ интэриэһи тарта.
Ити курдук, бииртэн биир киһи кэрэхсиир тыйаатыр постановкалара көрөөччүлэри олус астыннардылар.
Туяра Стручкова-Огдооччуйа бэйэтин ыарахан олоҕун туһунан маннык билиһиннэрбитин улахаҥҥа экраҥҥа көрдөрдүлэр.
Норуот сөбүлээбит артыыһа олоҕун уустук кэмнэрин хайдах аһардыбытын салгыы маннык кэпсээбитэ долгутта:
… Туяра Стручкова-Огдооччуйа олорон ааспыт чаҕылхай олоҕун күн бүгүн доҕотторо, чугас аймахтара салгыыллар. Төһө да кэм аастын, кини сыаҥкаларын тыа сирин кулууптара, көр-күлүү бөлөхтөрө бэйэлэрин репертуардпарыгар киллэрэн, үйэтитэ туруохтара. Өксөкүлээх Өлөксөй аатынан норуоттар доҕордоһууларын дьиэтин Айар мастарыскыайын салайааччыта Светлана Лукина тэрээһининэн маннык дириҥ ис хоһоонноох ахтыы киэһэлэрэ өссө ыытылла туруохтара.
Хаҥалас улууһун 1-кы Малдьаҕар нэһилиэгин олохтоохторо ааспыт өрөбүллэргэ бэлиэтэммит "Нэһилиэк күнүгэр" бэртээхэй сонуну истэн үөрдүлэр.…
Бу күннэргэ Амма улууһун баһылыга Степан Кузьмин кыстыкка киириигэ бэлэмнэнии чэрчитинэн улуус киинин хочуолунайдарын туруктарын…
Таатта Харбалааҕар Аҕа дойду Улуу сэриитигэр кыайыы 80 сыллаах үбүлүөйүн көрсө бэлэмнэнии үлэ саҕаланна. "Дьоһуннааҕы…
Бүгүн СӨ Урбааҥҥа, атыыга-эргиэҥҥэ уонна туризмҥа миниистирэ Тимур Ханды министиэристибэ үлэһиттэригэр «Туризмы сайыннарыы уонна территориальнай…
Балаҕан ыйын 14 күнүгэр "Мукучу нэһилиэгэ" МТ баһылыга Николай Иванович Левин, "Сарыал" түөлбэ салайааччыта Анна…
Нам улууһун баһылыга Юрий Слепцов анал дьаһалынан улуус социальнай-экэнэмиичэскэй сайдыытын пуондатын бырабылыанньата халаан уутуттан эмсэҕэлээбит…