Оҕо 1,5 сааһыгар диэри босуобуйа толору төлөнөр

Үлэлиир төрөппүттэр оҕо 1,5 сааһын туолуор диэри оҕо көрөн олорорго бэриллэр босуобуйаны ылар кыахтаахтар. 

Төрөппүттэр оҕо 1,5 сааһын туола илигинэ дэкириэт уоппускатыттан тахсан үлэлиир да буоллахтарына, бу босуобуйаны ылаллар.

Оҕону көрөн олорорго бэриллэр босуобуйаны ийэ, аҕа, эбэ, эһэ да ылыахтарын сөп. Социальнай пуонда бу иннинээҕи икки сыллааҕы хамнас 40 %-нын төлүүр.

2025 сылга бу суума — 10 103 солкуобайтан 68 995 солкуобайга диэри халбаҥныыр. 

Толорута суох күҥҥэ үлэҕэ таҕыстахха, дьиэттэн олорон үлэлээтэххэ, оҕо 1,5 сааһын туолуон иннинэ үлэҕэ толору таҕыстахха да, бу босуобуйа төлөнөр.

Маны тэҥэ, үлэлиир төрөппүттэр биир кэлим босуобуйаны ыларга сайабылыанньа суруйуохтарын сөп.

Ол эбэтэр, оҕо көрөр киһи баар буоллаҕына, ийэ үлэтин хамнаһын, оҕо көрөн олорорго бэриллэр босуобуйаны уонна биир кэлим босуобуйаны (ирдэбилгэ эппиэттэһэр буоллаҕына) тэҥинэн ылыан сөп.