Оҕо аутизмын эрдэ хайдах быһааралларый?

Билигин аутизм курдук диагнозтаах оҕо олус элбэх.  Ити эдэр ийэлэр оҕо күүтэр кэмнэригэр аһары көмпүүтэргэ, төлөпүөҥҥэ олорууларын дьайыытыгар эмиэ сабаҕалыыллар.

Оҕо аутизмын эрдэ быһаардахха, көмөлөһүөххэ сөбүн туһунан  оҕо бырааһа Виктор Краснов маннык быһаарар.

Оҕо аутизма икки сааһыгар диэри биллэр эбит. Болҕомтолоох төрөппүттэр эрдэ хамсаннахтарына, оҕону быыһыахха сөбүн туһунан быраас санаатын үллэстэр.

Иккилээх оҕо аатын истиэхтээх, тарбаҕынан ыйан биридимиэти көрдөрүөхтээх, киһи саҥарарыгар утары көрүөхтээх, оҕону кытта дорооболостоххо эбэтэр быраһаайдастахха хамсаныыны үтүктүөхтээх, атын оҕолору сэҥээриэхтээх. Өскөтүн, оҕоҕут бу дьайыылары икки сааһыгар оҥорбот буоллаҕына, аутизмнаах  буолуон сөп. Оҕо улаатарын күүтүмэҥ диир кини. Тута невролог бырааска көрдөрөн көннөрүү үлэтин эрдэ сылла саҕалыыр ордук.