Оҕо босуобуйата эрдэ түһүөҕэ

Сэтинньи саҥатыгар бырааһынньык күннэрэ түбэһэллэринэн, оҕо босуобуйалара эрдэ түһүөхтэрэ диэн Социальнай пуонда Саха сиринээҕи салаата иһитиннэрэр.

Ол курдук, сэтинньи 3 күнүгэр (бэнидьиэнньиккэ) түһүөхтээҕин, сэтинньи 1 күнүгэр (субуотаҕа) түһэр, тоҕо диэтэххэ, бу субуота үлэ күнэ буолар.

Санатар буоллахха, ый саҥатыгар бу иннинээҕи босуобуйа түһэр, холобур, сэтинньи 1 күнүгэр алтынньытааҕы босуобуйа кэлэр.

Буостанан босуобуйа ый 3 чыыһылатыттан 25-гэр диэри кэлэр, буоста отделениетын үлэтин кыраапыгыттан көрөн. Дьокуускайга буоста отделениелара маннык кыраапыктаахтар:

• сэтинньи 3 күнүгэр — 3, 4 чыыһылаҕа түһүөхтээх босуобуйа кэлэр;
• сэтинньи 4 күнэ — өрөбүл күн;
• сэтинньи 5 күнүгэр — кыраапык быһыытынан.

Улуустарга буоста отделениелара олохтоммут кыраапыгынан, уларыйыыта суох, тиэрдиэхтэрэ.