Оҕо дьиэтигэр иитиллэр тулаайах оҕо ахсаана 3 төгүл аҕыйыахтаах
![](https://sakha-sire.ru/wp-content/uploads/2024/02/3jmbkfzq2d_a4_710x444-1.jpeg)
Саха сиригэр 656 тулаайах уонна төрөппүт көрүүтэ-истиитэ суох хаалбыт оҕо 235 ыалга иитиллэр. Бу туһунан үлэ, социальнай сайдыы миниистирин солбуйааччы Елена Теплякова кэпсээтэ.
2023 сыл түмүгүнэн, 142 оҕону иитэр ыалларга биэрбиттэрэ. 2022 сыллаахха — 127 оҕону.
Онтон билигин 415 тулаайах уонна төрөппүт көрүүтэ-истиитэ суох хаалбыт оҕо баар. Өссө 137 дьиэ кэргэн (92 кэргэннии пааралар, 45 соҕотох дьон) оҕону иитэ ылыахтарын баҕараллар.
Оҕону иитэ ылыан баҕалаахтар олорор сирдэринэн эппиэкэ уорганнарыгар баран билсиэхтээхтэр, докумуоннары хомуйан бэлэмниэхтээхтэр уонна «Төрөппүт оскуолатыгар» үөрэниэхтээхтэр.
Тулаайах оҕолор тустарынан информацияны эппиэкэ уорганнарыгар уонна https://www.usynovite.ru саайтка көрүөххэ сөп.
Ил Дархан Айсен Николаев чугастааҕы биэс сылга судаарыстыбаннай тэрилтэлэргэ иитиллэр тулаайах оҕолор ахсааннарын 3 төгүл кыччатарга сорук туруорбута.
Үлэ, социальнай сайдыы министиэристибэтэ.
Сообщить об опечатке
Текст, который будет отправлен нашим редакторам: