Дайаана Львова хаартыскалара
Бэҕэһээ, муус устар 2 күнүгэр, Хаҥалас улууһун Покровскай куоратын Оҕо поликлиникатыгар Саха сиригэр Оҕо сылынан уонна Аан дойдутааҕы доруобуйа күнүгэр аналлаах «Оҕо доруобуйата – биһиги илиибитигэр» өрөспүүбүлүкэтээҕи пуорум чэрчитинэн Доруобуйа дьаарбаҥката ыытылынна.
Дьаарбаҥкаҕа өрөспүүбүлүкэтээҕи Доруобуйа харыстабылын уонна мэдиссиинэ профилактикатын киинин исписэлиистэрэ тиийэн сүбэ-ама биэрдилэр. Ол курдук, Дьокуускай куораттан оҕо эндокринолога, невролога, кардиолога, пульмонолога уонна УЗИ бырааһа поликлиникаҕа кэлэн оҕолору көрдүлэр. Быраастар эбии сүбэҕэ-амаҕа наадыйар, уопсайа 100-тэн тахса оҕону көрдүлэр, доруобуйаларыгар сүбэлэри биэрдилэр.
Ону сэргэ аахсыйа чэрчитинэн төрөппүттэргэ анаан логопед учуутал О.Ю. Бурдукова маастар-кылаас ыытта. Оттон диетолог А.Д. Саввина «Дьиэ кэргэҥҥэ доруобай аһылыгы аһааһын» тиэмэҕэ лиэксийэ аахта.
Төрөппүттэр маннык тэрээһиннэр оҕо доруобуйатын харыстыырга олус туһалаахтарын бэлиэтииллэр уонна Хаҥалас улууһун киин балыыһатын кылаабынай бырааһыгар А.П. Протодьяконовка, Покровскай куораттааҕы Оҕо поликлиникатын кэллэктиибигэр махталларын тиэрдэллэр.
«Бүгүҥҥү Доруобуйа дьаарбаҥкатыгар уолбун кытары эндокринолог бырааска сырыттыбыт, болҕойон көрдө, сүбэ биэрдэ, салгыы хайдах эмтэнэрбитин кэпсээтэ. Олус үчүгэй тэрээһини ыытаннар, элбэх оҕо кэлэн көрдөрүннэ, төрөппүт кытынна, быраастарга махталбытын этэбит», — диэн Третьяковтар дьиэ кэргэттэрэ махталларын биллэрдилэр.
Хантан кэлбитэ, ким айбыта биллибэт эрээри, Саҥа дьыл бэйэтэ туспа үгэстээх, биттээх-билгэлээх. Сорох дьон маны…
Ахсынньы 22 күнүгэр алыптаах Саҥа дьыл бырааһынньыгын көрсө, А.Е.Кулаковскай аатынан Норуоттар доҕордоһууларын дьиэтигэр «Саҥа дьыллааҕы…
Мииринэй куоракка борокуратуура 820 тыһ. солк. суумалаах арыгынан суокуоннай суохтук эргиниинэн холуобунай дьыаланы суукка ыытта.…
Анал байыаннай дьайыы кыттыылаахтара уонна кинилэргэ тэҥнээх дьон иккис орто үөрэххэ босхо үөрэнэр кыахтаахтар. Судаарыстыба…
Ааспыкка Саҥа дьылааҕы сандалы солбуллубат олохтооҕо буолбут "саҕынньахтаах селедка" салаат оннугар рулет оҥорору сэргээбиккит. Аны…
Индия, табылыннаҕына, сыл бүтүөр диэри Арассыыйа туристическай бөлөхтөрүгэр визата суох эрэсиими олохтуон сөп диэн Индия…