Оҕо эчэйбитигэр үлэһиттэр эппиэтинэскэ тардылыннылар

2025 сыл бэс ыйын 18 күнүгэр Дьокуускай куорат 5-с №-дээх оскуолатын күнүскү лааҕырыгар сылдьан, 11 саастаах кыыс кирилиэс тутуһар тимиринэн сырылаан түһэн баран,  аллараа тимиргэ сааллыбыт. Үлэһиттэр көрбөтөхтөр-истибэтэхтэр.

Оҕо эт-хаан эчэйиитин ылбыт уонна балыыһаҕа киирэн эмтэммит.

Бу быһылаан оскуола бэйэтин тиэргэнигэр оҕолорго куттала суох усулуобуйаны хааччыйбатаҕын түмүгэр тахсыбыта уонна быһылаан буолбутун түргэнник бэрэбиэркэлээбэтэхтэрэ биллибитэ.

Ол түмүгэр борокуратуура тустаах үс  киһини дьиссипилиинэ эппиэтинэһигэр тарта, оскуола дириэктэрэ РФ Административнай быраабы кэһии туһунан кодексын 5.57 ыстатыйатын 2 чааһынан 10 000 солкуобайга ыстарааптанна.

Маны таһынан, борокуратуура эмсэҕэлээбит кыыс туһатыгар үөрэх тэрилтэтиттэн 400 000 солкуобай суумалаах моральнай хоромньуну төлүүргэ ирдэһиини түһэрбит, суут бу суумаҕа «мировой» сөбүлэһиини бигэргэппит.