Ааптар хаартыската
Бүгүн «Бастакылар хамсааһыннара» Саха сиринээҕи салаатын Координационннай мунньаҕар сайдар кэскилэ уонна хайысхата көрүлүннэ. Мунньахха Ил Дархан Айсен Николаев оҕо, ыччат хамсааһына сайдарыгар сүрүн соруктары туруорда.
Өрөспүүбүлүкэҕэ оскуолаларга уонна атын даҕаны үөрэх тэрилтэлэрин иһинэн «Бастакылар хамсааһыннара» үөрэнээччилэр уонна ыччат хамсааһынын 111 маҥнайгы сүһүөх тэрилтэтэ 14 улууска баар. Бүгүҥҥү үөрүүлээх күҥҥэ, холбоһук тэриллибит күнүгэр, онно сыһыаннаах үлэһиттэр, исписэлиистэр, ыччаттар, үөрэнээччилэр кытыннылар.
«Дойду устуоруйатыгар аан бастаан оҕо уонна ыччат хамсааһына федеральнай сокуонунан тэрилиннэ. Билигин эрэгйиэннэргэ олохтоох салаалары тэрийии уонна сайыннарыы үлэтэ күүскэ баран эрэр. Биһиги өрөспүүбүлүкэбит гражданины уонна социальнай эппиэтинэстээх киһини иитэн таһаарыыны кэскиллээх судаарыстыбаннай бэлиитикэнэн билинэн саҕалаабыт биир бастакы эрэгийиэн буолар», — диэн Айсен Николаев эттэ.
Ил Дархан тыл этэригэр 2019 с. «Мы — будущее России» бырайыагы көҕүлээбитин санатта, онно үс хайысха – профориентация, цифровой дьоҕуру сайыннарыы уонна үүнэн көлүөнэни патриотическай иитии быһаарыллыбыта.
Координационнай сэбиэт кэмигэр Айсен Николаев оскуолаларга оҕо уопсастыбаннай холбоһуктарын кытары бииргэ үлэлииргэ уонна иитиигэ дириэктэр сүбэһиттэрин үлэлэрин күүһүрдэргэ соруйда.
Эрэгийиэннээҕи салаа сэбиэтин бэрэссэдээтэлэ Оксана Михайлова бэлиэтээбитинэн, оҕо хамсааһынын үлэтин миэстэтигэр эрэгийиэннээҕи салааҕа штакка киирэн үлэлии сылдьар муниципальнай кураатар сүрүннүө. Кини этэринэн, хас биирдии оҕо бэйэтин интэриэһинэн дьоҕурун кэллэктиипкэ көрдөрөр кыахтаныа.
Мунньахха бу хамсааһын салаатын эрэгийиэннээҕи ситимин тэрийиигэ кэлим дьаһаллар бигэргэннилэр.
Кистэл буолбатах, үгүстэргэ “мин билэр буоллум да, киһи барыта билиэхтээх” диэн өйдөбүл иҥэн хаалбыт. Билбэтин…
Бүгүн, ахсынньы 21 күнүгэр, өрөспүүбүлүкэ баһыйар үгүс өттүгэр кыралаан хаардыаҕа. Халымаҕа, Аллайыахаҕа хаар сөбүгэр түһүөҕэ.…
Бүгүн Күн салайар күнэ — өрөбүл. Онон айар-тутар эрчим, үөрүү-көтүү уонна сырдык баһылыаҕа. Онуоха эбии,…
Cаҥа дьылы кэтэһии бырааһынньыктааҕар ордук үчүгэй, күүтүүлээх, күндү курдук буолар. Оннук күндү кэтэһиини биһиги бэйэбит…
Ыйытыыга Арассыыйа ФНС Саха Өрөспүүбүлүкэтигэр управлениетын 1 разрядтаах исписэлииһэ Пелагея Гуляева маннык хоруйдаата: — Арассыыйа ФНС саайтыгар…
Быйыл 3-тэн 79-гар диэри саастаах нэһилиэнньэ уопсай ахсааныттан физическэй култууранан уонна успуордунан систиэмэлээхтик дьарыктанар дьон…