Оҕо тарбахтарын үлүттэ

Дьокуускайга нэдиэлэ бэһис күнүгэр, оҕолор араас быһылааҥҥа түбэспиттэрин туһунан СӨ ИДьМ иһитиннэрэр.

12 саастаах кыысчаан икки илиитин тарбахтарын үлүтэн балыыһаҕа киирбит. ПДН иниспиэктэрэ быһаарбытынан, сокуоннай сааһын туола илик оҕо үтүлүгүн сүтэрбит.

11 саастаах оҕо оргуйбут чаанньыкка буспут. Балыыһаҕа 1, 2, 3 ист. сиэтиилээх киллэриллибит.

6 саастаах оҕочоон суотабай төлөпүөнү ииттэрээри уокка оҕустарбыт.

❗️❗️Дьокуускайга уонна хас да улууска 1-8 кылаас оҕолоро халлаан тымныйбытынан үөрэммэттэр (актированнай күннэр биллэрилиннилэр). Ытыктабыллаах төрөппүттэр, кыра оҕолору улахан киһи арыаллааһына суох таһырдьа таһаарымаҥ. Өскөтүн алҕас үтүлүктэрин эбэтэр атын халыҥ таҥаһын сүтэрдэҕинэ, оҕо тугу гыныахтааҕын этиҥ, өйдөтүҥ. Оҕолоргутун кытта уокка холбонор тэриллэр кутталлаахтарын туһунан кэпсэтиҥ, өйдөтүҥ.

@mvd_sakha