Оҕо көмүскэлин күнүгэр оҕолор оптуобустарынан босхо айанныахтара

Оҕо көмүскэлин күнүгэр Дьокуускай куорат уонна куорат таһынааҕы маршрутнай оптуобустарынан оҕолор босхо айанныахтара.

Бу туһунан куорат мэрэ Евгений Григорьев ТГ-ханаалыгар иһитиннэрдэ.

«Бэс ыйын 1 күнүгэр — Оҕо көмүскэлин күнүгэр — Дьокуускай куорат уокуругун территориятыгар бары киин куорат иһинээҕи уонна куорат таһынааҕы маршрутнай оптуобустарынан 16 саастарыгар диэри оҕолору босхо таһыахтара. Бары оптуобус маршруттарын таһааччыларыгар бу көҕүлээһини өйөөбүккүтүгэр махталбын тиэрдэбин! Бу этиини нэһилиэнньэ олохтоохторо отчуот кэмигэр иһитиннэрбиттэрэ. Онон оҕолор докумуоннарын илдьэ сылдьаргытыгар сэрэтэбин», — диэтэ Евгений Григорьев.