Саргын Скрябин хаартыскаҕа түһэриитэ, СИА
Бүгүн, бэс ыйын 1 күнүгэр, Дьокуускайга Култуура уонна сынньалаҥ пааркатыгар Бүтүн Арассыыйатааҕы «Бастакылар хамсааһыннара» Саха сиринээҕи салаатын бэстибээлэ буолла.
СӨ Бырабыыталыстыбатын Бэрэссэдээтэлин солбуйааччы Ольга Балабкина тэрээһин кыттыылаахтарын Ил Дархан Айсен Николаев аатыттан эҕэрдэлээтэ уонна өрөспүүбүлүкэ эдэр гражданнарыгар пааспардары туттарда.
—Бу дойдубут саамай сүрүн баайдарыгар — биһиги оҕолорбутугар ананар бырааһынньык. Оҕолорго бу сайыҥҥы сынньалаҥ саҕаланыыта, улахан дьоҥҥо, төрөппүттэргэ — саамай күндүлэригэр анаммыт Оҕо көмүскэлин күнэ. Биһиги бары хаһан эрэ эмиэ оҕо этибит. Онтон билигин, оҕолорбутугар кыһамньыбытын уурабыт. Кинилэр инники олохторун туһугар кыһаллабыт, көҕүлээһиннэрин өйүүбүт, оҕолору иитэргэ, үөрэнэллэригэр усулуобуйа тэриллэригэр болҕомто уурабыт, — диэн этэр Ольга Балабкина.
Бу үөрүүлээх күн өрөспүүбүлүкэҕэ, Арассыыйаҕа ыытыллыбыт күрэхтэһиилэр, олимпиадалар кыайыылаахтарыгар, бары тэрээһиннэргэ көхтөөхтүк кыттар оҕолорго пааспардары туттардылар. Ол курдук, Д.П.Коркин аатынан олимпийскай эрэллэр Чурапчытааҕы спортивнай интэринээт-оскуолаларын үөрэнээччитэ Святослав Артемьев, Намтан улуустааҕы гимназия үөрэнээччитэ Татьяна Охлопкова, Дьокуускайтан 17 № оскуолаҕа үөрэнэр Михаил Юмшанов, Хатылыттан В.С.Соловьев-Болот Боотур аатынан оскуола үөрэнээччитэ Дарина Слепцова пааспарданнылар.
«Бастакылар хамсааһыннарын» бэстибээлэ үгэс курдук Оҕо көмүскэлин күнүгэр ыытыллар. Быйылгы тэрээһиннэр Арассыыйаҕа Аҕа дойдуну көмүскээччи сылыгар, Улуу Кыайыы 80 сылыгар, «Бастакылар хамсааһыннарыгар» Доҕордоһуу, үөрэх ситимигэр Оҕо саас сылларыгар ананаллар.
Манна даҕатан эттэххэ, Саха сиригэр «Бастакылар хамсааһыннарын» олохтоох салаалара бары улуустарга тэриллибитэрэ, 779 бастакы сүһүөх отделение баар.
Сиһилии: https://www.sakha.gov.ru/news/5708 манна көрүөххэ сөп.
СӨ Ил Дарханын уонна Бырабыыталыстыбатын пресс-сулууспата
Саргын Скрябин хаартыскаларга түһэриитэ, СИА
Дьокуускай куорат борокуратуурата 35 саастаах киһи холуобунай дьыалатыгар судаарыстыбаннай буруйдааһыны өйөөтө. Бу сууттаммыт киһи өлөрүүгэ…
Бүгүҥҥүттэн Дьокуускай куоракка Саха Өрөспүүбүлүкэтин муниципальнай тэриллиилэрин бэрэстэбиитэллээх уорганнарын дьокутааттарын III сийиэһэ саҕаланна. Сийиэс икки…
РФ билимин, үрдүк үөрэҕин министиэристибэтэ 2026-2027 үөрэх дьылыгар министиэристибэ иһинэн үлэлиир үрдүк үөрэх кыһаларыгар тутарсарга,…
Федеральнай ханаал бырагырааматыгар Саха сиригэр олорор дьахтар төрүүр дьиэҕэ оҕотун уорбуттарын туһунан кэпсээтэ. Бу түмүгүнэн…
- «Улуу Кыайыы айымньылара » рубрикаҕа сэрии дьон дьылҕатынан оонньуурун туһунан Прокопий Чуукаар «Дьол хараҕын…
Арассыыйа бэрэсидьиэнэ Владимир Путин «Сахатранснефтегаз» национальнай ньиэп уонна гаас хампаанньатыгар тус махталын биллэрдэ. Туһааннаах дьаһал…