Оҕо көмүскэлин күнүгэр «САЙЫН» бэстибээл ыытыллыаҕа

Бэс ыйын 1 күнүгэр Дьокуускайга «Туймаада» стадиоҥҥа оҕолорго уонна ыччакка «САЙЫН» диэн бэстибээл ыытыллыаҕа.

Саха сирин үүнэр көлүөнэтин  тус сыаллаах пуондата сыл ахсын оҕо көмүскэлин күнүгэр АЛРОСА хампаанньа өйөбүлүнэн тэрээһин ыытар.

Бэстибээлгэ хас биирдии оҕо талаанын арыйар кыахтанар, бэйэтин араас хайысхаҕа боруобаланан көрөр. Ол курдук, наука, успуорт уонна креатив буолар. Кыттааччыларга маастар-кылаастар, куонкурустар, оонньуулар, квестар ыытыллыахтара. Бэстибээл бырагырааматын  htttps: //fondeakutia.ru/  саайтка билсиэххэ сөп.