Хаартыска: Ил Дархан, бырабыыталыстыба пресс-сулууспата.
Убаастабыллаах Сахам сирин олохтоохторо!
Бүгүн, сайын бастакы күнүгэр, Оҕо көмүскэлин күнүн бырааһынньыктыыбыт. Хас биирдиибитигэр оҕо диэн — олохпут сүрүн сыаннаһа, кэскилбит буоларын өйдөтөр-санатар бырааһынньык. Хас биирдии оҕо дьоллоох буолуохтаах, тапталга бүөбэйдэнэн улаатыахтаах. Ханна олороллоруттан тутулуга суох, бары оҕолор үөрэнэллэригэр, талааннарын сайыннаралларыгар, айалларыгар-туталларыгар тэҥ бырааптаах, усулуобуйалаах буолуохтаахтар.
Бу биһиги уопсай национальнай приоритеппыт, Арассыыйа уонна Саха сирин сайдыытын мэктиэтэ. 2024 сыл — Арассыыйаҕа Дьиэ кэргэн, Саха сиригэр Оҕо саас сыллара. Онон дьиэ кэргэн төрүт үгэстэригэр олоҕурбут, оҕолорго сылаас, харыстабыллаах сыһыаммытын уопсастыбаҕа бөҕөргөтөргө туох баар сырабытын ууруохпут.
Ол иһин ийэ буолууга, оҕо аймахха улахан болҕомтобутун уурабыт. 2018 сылтан Саха сиригэр бу хайысханы өйүүргэ үбүлээһин 8 төгүл улааппыта.
Быйылгыттан «Дьиэ кэргэн» өрөспүүбүлүкэтээҕи Ийэ хапытаалын суумата икки төгүл үрдээтэ. «100 сыл оҕолоро» хапытаалы өссө 5 сылга уһаттыбыт. Элбэх оҕолоох дьиэ кэргэттэргэ хомунаалынай өҥөҕө чэпчэтииттэн саҕалаан, дьиэнэн хааччыйыыга тиийэ улахан көмө оҥоһуллар.
Аҕа дойдуну көмүскээччилэрбит оҕолоругар ураты сыһыан баар буолуохтаах. Бу күннэргэ халаантан эмсэҕэлээбит дьон оҕолоругар ураты болҕомто ууруллар.
Элбэх бырайыак оҕолор талааннарын арыйалларыгар, доруобуйаларын бөҕөргөтөллөрүгэр туһуланар. Быйылгыттан Арассыыйатааҕы олимпиадалар кыайыылаахтарыгар 500 тыһыынча солкуобай, бириистээх миэстэлэри ылбыттарга 100 тыһыынча солкуобай бэриллиэҕэ. Элбэх оскуола, уһуйаан тутуллар.
Бу ыйга «Азия оҕолорун» VIII сайыҥҥы оонньуулара саҕаланыахтара. 1996 сыллаахха бастакы бэрэсидьиэн Михаил Николаев көҕүлээбит оонньуулара Арассыыйаҕа норуоттар икки ардыларынааҕы бөдөҥ тэрээһиҥҥэ кубулуйда. Үгүс оҕолорго улахан успуорка үктэл буолар.
Биһиги туох баар көҕүлээһиннэрбит түмүктээх буолаллар. Бүгүн биһиги оҕо төрөөһүнүгэр дойдуга 8-с, Уһук Илиҥҥэ 1-кы миэстэлээхпит. Саамай сүрүн түмүкпүт — оҕолорбут ситиһиилэрэ! Хас биирдии оҕо ураты, хатыламмат, талааннаах, инникилээх!
Күндү эдэр доҕотторбут!
Өрөспүүбүлүкэ салалтатын аатыттан бу чаҕылхай бырааһынньыгынан эҕэрдэлиибин! Ис сүрэхпиттэн саамай кичэл ыра санааҕыт туоларыгар баҕарабын! Оттон төрөппүттэргэ тулууру, муударай буолууну, өйдөһүүнү баҕарабын!
Бырааһынньыгынан! Оҕо көмүскэлин күнүнэн!
Саҥа дьыл барахсан, оннук-маннык итэҕэллэргэ, кирдээх бэлиитикэҕэ умньамматах, соҕотох алыптаах, оҕотуттан оҕонньоругар тиийэ дуоһуйа, астына…
Саха сирэ хорсун-хоодуот дьонунан аатырар, дойду устуоруйатыгар элбэх дьоруойу бэлэхтээбитэ, олор истэригэр Аҕа дойду Улуу…
Ааспыт сууккаҕа Саха сиригэр буруйу оҥоруу сэттэ түбэлтэтэ тахсыбыт. Манан процессуальнай бэрэбиэркэни ыытыыны уонна холуобунай…
«Якутскэнерго» ПАУо өрөспүүбүлүкэ олоҕо-дьаһаҕа бигэ туруктаах буолуутугар уотунан-сылааһынан хааччыйар дьоһун суолталаах тэрилтэнэн буолар. Хампаанньа генеральнай…
Бүгүн, тохсунньу 11 күнүгэр, өрөспүүбүлүкэ соҕуруулуу-арҕаа, хотугулуу-илин, илин өттүгэр кыралаан хаардыаҕа. Киин, арҕаа оройуоннарга туманнаах…
Бүгүҥҥү күн – наҕыл, сымнаҕас уонна дьиэҕэ-уокка чугас дьону кытта сынньанарга табыгастаах кэм. Ый Оҕус…