Оҕо көрүүтүнэн уоппуска страховой ыстааска толору ааҕыллар буолуоҕа

РФ премьер-миниистирэ Михаил Мишустин тустаах уурааҕы бигэргэттэ. Ол уурааҕынан, 2026 сылтан 1,5 саастаах оҕону көрүүгэ уоппуска бары кэмэ страховой ыстааска уопсай болдьоҕунан хааччаҕа суох ааҕыллар буолуоҕа. Бырабыыталыстыбаҕа быһаарбыттарынан, бу уларыйыы төрөппүттэр страховой биэнсийэлэрин кээмэйигэр быһаччы дьайыаҕа.

«2026 сылтан 1,5 саастарыгар диэри оҕону көрүү уоппускатын бары кэмэ төрөппүттэр страховой ыстаастарыгар хааччаҕа суох киллэриллиэҕэ. Страховой биэнсийэни анааһыҥҥа ыстааһы ааҕар бэрээдэккэ ити уларытыылар киллэрилиннилэр уонна бырабыыталыстыба бэрэссэдээтэлэ Михаил Мишустин илии баттаабыт уурааҕынан бигэргэтилиннилэр», — диэн бырабыыталыстыба пресс-сулууспата иһитиннэрэр.

Маны таһынан, бырабыыталыстыбаҕа эбэн эппиттэринэн, маннык быһаарыы биэстэн элбэх оҕолоох төрөппүттэр биэнсийэлэрин кээмэйин улаатыннарарга көмөлөһүөҕэ. Билиҥҥи туругунан, страховой биэнсийэни аныырга үлэ кэмин таһынан, 1,5 саастарыгар диэри оҕону көрүү кэмэ ыстааска киирэр.