Оҕо кириэһилэтигэр ирдэбил кытаатыаҕа

Арассыыйаҕа балаҕан ыйын 1 күнүттэн суол быраабылаларыгар уларытыылар олоххо киириэхтэрэ, оҕо кириэһилэтигэр ирдэбил кытаатыаҕа.

Быраабы кэһии иһин ыстараап көрүллүө, диэн эттэ Госдума дьиэ кэргэни, оҕо аймаҕы көмүскүүр кэмитиэтин бэрэссэдээтэлин бастакы солбуйааччыта Татьяна Буцкая.

Кини этэринэн, балаҕан ыйын 1 күнүттэн оҕо кириэһилэтэ эбэтэр бустера суох массыынаҕа оҕону тиэйии кыаллыбат буолуоҕа.

«Кур, лээмкэ (санныга кэтиллэр) араас көрүҥэ, адаптер, каркааһа суох, араас быалаах-туһахтаах кириэһилэ оннугар туттуллар оҥоһуктар аны сокуон быһыытынан массыынаҕа туттуллаллара бобуллар», — диэтэ Буцкая.

Сокуону кэһээччилэргэ ыстараап көрүллүөҕэ: биирдиилээн дьоҥҥо — 3 тыһ. солк., юридическэй сирэйдэргэ, ол иһигэр таксиларга — 100 тыһ. солк., диэн иһитиннэрэр “Российская газета”.