Оҕо күүтэр уонна дэкириэккэ олорор дьахталлары кирэдьииттэн босхолуурга этии киллэрдилэр

Госдуума дьокутаата Ксения Горячева оҕо күүтэр уонна дэкириэт уоппускатын кэмигэр дьахталларга кирэдьииттэн босхолуур сынньалаҥы олохтуурга этии киллэрдэ.

Дьокутаат этэринэн, оҕо күүтэр уонна оҕоломмут дьахталларга ноҕорууска үп-харчы өттүнэн лаппа улаатар. «Оҕо күүтэр уонна оҕоломмут дьахталларга кирэдьиит сынньалаҥын киллэрии оҕо олоҕун бастакы сылларыгар дьиэ кэргэн ороскуотун биллэрдик намтатыа этэ», — диэн дьокутаат эттэ.

Ону сэргэ дьокутаат санаатынан, хас биирдии оҕону төрөөбүттэргэ ипотека ыстаапкатын бырыһыанын намтатыы эмиэ судаарыстыбаттан боччумнаах өйөбүл буолар. Бу иннинэ оҕо күүтэр дьахтар ханнык баҕарар болдьоххо дэкириэт уоппускатыгар барыахтарын сөп диэн сокуон барылын Госдуумаҕа дьүүллэһиэхтэрэ диэн иһитиннэрбиттэрэ.